11.09c
Երեվան
կրկ, մյս 19
Երէկ ուշ գիշերին հրթիռարձակումներ եղած են Հալէպի խաղաղ բնակչութեան շրջաններու ուղղութեամբ: Այս մասին «Արեւելք» տեղեկութիւն ստացաւ Հալէպի իր աղբիւրէն: Կը նշուի, որ հրթիռներ ինկած են Հալէպի Սալահ Ալ Տին, Խալտիյէ եւ Նոր Գիւղի (Հայ Ալ Միտան) «Վէրժին Կիւլպէնկեան մայրանոց»ի շրջակայքը, ուր հրկիզուած է ծերանոցին դիմացը գտնուող բնակարան մը եւ փուլ եկած յարկաբաժին մը։ Վնասներ կրած է նաեւ Ծերանոցի տնօրէնին սենեակն ու խոհանոցը։ Մայրանոցին մէջ ապաստանած ծերերը վնասներ չեն կրած: Նշենք, որ քաղաքին մէջ տիրող պատերազմական ծանր իրադրութեան հետեւանքով եւ Հալէպի հայ 3 կրօնապետերուն յատուկ կարգադրութեամբ տասնեակ մեծահասակներ փոխադրուած են «Կիւլպէնկեան մայրանոց» , ուր անոնց տրամադրուած է յատուկ յարկաբաժին մը:
