9.09c
Երեվան
կրկ, մյս 19
«Արեւելք»ի աղբիւրին հաղորդումով տասնեակ հալէպահայեր կը պատրաստուին Երեւան հաստատուիլ: Մեր աղբիւրը նաեւ յայտնեց, որ Հալէպէն Երեւան գալ ուզող հայորդիներուն թիւը կը հասնի 30-ի: Անոնք անցնող օրերուն դիմումներ գրած են Երեւանի մէջ գործող կազմակերպութեան մը, խնդրելով փոխադրածախս եւ առաջին հանգրուանին համար կեցութեան վայր: Մեր աղբիւրը նաեւ կը հաղորդէ, որ առաջին անգամը չէ, որ հալէպահայերու հարցերով զբաղող ոչ կառավարական կազմակերպութիւնը կ'ապահովէ հալէպահայերուն՝ Երեւան գալու ծախսերը: Կը նշուի, որ հաստատուիլ ուզող մեր հայրենակիցները կը պատկանին կարիքաւոր խաւերու: Վերջին շրջանին Հալէպը թիրախ կը դառնայ ծանր հրթիռարձակումներու եւ Երեւան հաստատուիլ ցանկացող մեր հայրենակիցներուն որոշումը պայմանաւորուած է մասնաւորապէս ապահովական նկատառումներով:
