11.09c
Երեվան
երկ, մյս 20
Հալէպի ոչ բոլոր հայկական դպրոցները փակ են այսօր: Այս մասին «Արեւելք» տեղեկութիւն ստացաւ Հալէպի իր աղբիւրէն: Մեր աղբիւրը նաեւ յայտնեց, որ մինչ Հալէպի Ազգային վարժարանները այսօր փակ պահած են իրենց դռները, միւս կողմէ Հայ Աւետարանական, «Նոր Սերունդ Մշակութային Միութեան» եւ ՀԲԸՄ-ի վարժարանները բնականոն կերպով կը շարունակեն իրենց գործունէութիւնը:
Մեր աղբիւրը նաեւ փոխանցեց, որ Հալէպի Ազգային վարժարանները այսօր փակուած են ապահովական մտահոգութիւններով, կապուած մասնաւորապէս Հալէպի արեւելեան շրջաններուն մէջ ընթացող զարգացումներով:
Մեր աղբիւրը նաեւ յայտնեց, որ անցնող ժամերուն պետական մարմիններ թռուցիկներ (տեսնել ՝ լուսանկարները) նետած են Հալէպի արեւելեան շրջաններուն վերեւ՝ կոչ ուղղելով զինեալներուն նետելու իրենց զէնքերը եւ յանձնուելու Սուրիոյ բանակին, խոստանալով համապատասխան ձեւով վարուիլ եւ մարդկային վերաբերմունք ցուցաբերել, բոլոր վիրաւորներուն հետ:
