«Արեւելք»-ի աշխատակից Անի Չալյանը ստացել է հայերեն Վիքիպեդիայի գավաթը: Գավաթը փոխանցիկ է եւ տրվում է Վիքիպեդիայի այն մասնակցին, ում հոդվածով Հայերեն Վիքիպեդիան ընդհանուր լեզուների ցուցակում նոր հորիզոնական է բարձրանում: Այսպիսով, Հալեպի Սուրբ Քառասնից Մանկանց մայր եկեղեցու մասին գրված Անի Չալյանի հոդվածով հայերեն Վիքիպեդիան առաջ է անցել սլովակերեն Վիքիպեդիայից և այժմ 37-րդ հորիզոնականում է: Ինչպես «Արեւելք»-ին հայտնեցին Վիքիմեդիա հայկական հիմնադրամից, այս պահին Վիքիպեդիայում կա 217 322 հայերեն հոդված, եւ այդ թիվը րոպե առ րոպե ավելանում է: Հայերեն Վիքիպեդիայում հոդվածները ստեղծվում են ժամանակակից հայերենի երկու ճյուղերով՝ կարեւորելով արեւմտահայերենը, իբրեւ գրական հայերենի անբաժան մասը:
Անի Չալյանը սիրիահայ հայագետ է, Հայաստան է տեղափոխվել սիրիական հակամարտության հետեւանքով, մագիստրի կոչում է ստացել Երեւանի Պետական համալսարանում: