Երէկ ուշ երեկոյեան յայտնի դարձաւ, որ Պէյրութի մէջ յայտնաբերուած դիակը կը պատկանի բրիտանուհի Ռեպեքա Տայքսին:
Այս մասին լուրը հաղորդեց VDL կայանը յաւելելով, որ Տայքս Պէյրութի մօտ Մեծն Բրիտանիոյ դեսպանատան աշխատակիցներէն է:
Աւելի վաղ լրատուական աղբիւրներ հաղորդած էին, որ Մեթնի մայրուղղիին վրայ յայտնաբերուած է կնոջ մը դիակը, որուն վրայ կան չարչարանքի հետքեր, եւ ան խեղդամահ եղած է:
Բրիտանիոյ դեսպանատունը դէպքէն ժամեր անց հաղորդագրութիւն մը հրապարկեց՝ կիսելով Տայքսի հարազատներուն վիշտը եւ լրատուական կայաններէն խնդրելով զուսպ ըլլալ դէպքին մասին լրատուութիւն կատարելու առընթեր:
Ըստ «Ալ Հայաթ» պարբերականի ունեցած տուեալներուն, Տայքսի ոճիրը անհատական բնոյթ ունի: