13.09c
Երեվան
հնգ, ապր 18
Արսեն Արծրունու 90-ամյա հորաքույրը՝ Արսինե Արծրունի Մելիքսեթյանը ընթերցում է Արսենի հարազատների՝ 25 փետրվարի 2018թ. դիմումը ՀՀ Մարդու իրավունքների պաշտպան Արման Թաթոյանին եւ Վերաքննիչ քրեական դատարանի նախագահ Վազգեն Ռշտունուն: Մտավորական կինն այս նախաձեռնությամբ արտահայտում է այն հազարավոր սփյուռքահայ կանանց զգացումները, որոնք, ծանոթանալով Արսեն Արծրունու գործին՝ պահանջում են անհապաղ ազատ արձակել 1994 թվականից ի վեր իր պատիժը կրող Արսեն Արծրունին, որ բանտում ձեռք է բերել կյանքի հետ անհամատեղելի հիվանդություն:
Տեսանյութում նկատելի է, թե ինչպես է Արսինե Արծրունի Մելիքսեթյանը հուզվում, սակայն հաստատակամորեն շարունակում է իր խնդրանքն ուղղել հայրենիքի իրավապահ մարմիններին՝ հավատալով, որ այն չի անտեսվի. «Իննսունամյա տարիքիս տարիների բեռն ուսերիս շալակած տառապում եւ սպասում եմ Արսենին, որ կարողանամ վերջապես տեսնել նրան: Խնդրում եմ ձեզ ազատ արձակեք, որ արժանի լինեմ տեսնել Արսենին»,-դիմում է Արսեն Արծրունու հորաքույրը:
