Սուրիա-Թուրքիա սահմանային գիծին մօտ 14- ամեայ հայ պատանի մը զոհուած է: Այս մասին «Արեւելք» տեղեկութիւն ստացաւ Գամիշլիի իր աղբիւրներէն: Արմէն Ժիրայր Աւետիսեան, որ իր ծնողներուն հետ ցամաքային ճանապարհը հատելով կը փորձէր Թուրքիա մուտք գործել, զոհուած է կրակոցի արդիւնքին: Մեր աղբիւրը յայտնեց, որ դէպքը տեղի ունեցած է սահմանային Ամուտա անցքին մօտակայքը, սակայն այս տեղեկութիւնը նախնական է: Դէպքին մասին յաւելեալ մանրամասնութիւններ պիտի փոխանցենք յառաջիկային: