Երկար ժամանակէ ի վեր նման այցելութեան ականտես չէինք եղած.Հնչակեան գործիչ... Քաղաքական դաւադրութիւններու պարագային ժողովուրդը իր խօսքը կ'ըսէ. Նիկոլ Փաշինեան... Ո՞վ էր Սաատ Հարիրին անպատոուղը. Նոր մանրամասնութիւներ... Ո՞վ է Անտոնինա Մահարին...
Անկարելի է, որ ուրանանք, մենք Հալէպի հացը կերած ենք. Ռոզէթ Նազարեան
Անկարելի է, որ  ուրանանք, մենք Հալէպի հացը կերած ենք. Ռոզէթ Նազարեան
22 Մայիս 2018 , 23:47

«Արեւելք»ի զրուցակիցն է Ս.Օ.Խ. Սեւան Մասնաճիւղի նախկին ատենապետ հալէպահայ Տիկ. Ռոզէթ Թիւթիւնճեան Նազարեանը:


-Վերջերս տարբեր առիթներով զրուցած ենք Հալէպ ապրող մեր հայրենակիցներուն հետ, անոնք խօսելով Հալէպի իրավիճակի մասին գլխաւոր մտահոգութիւն համարած են Հալէպի մէջ ապրուստ ապահովելու խնդիրը: Ինչքանո՞վ ճիշդ է այս մօտեցումը եւ այսօր Հալէպի մէջ ինչպիսի՞ իրավիճակ կը տիրէ, ի՞նչ  կը կատարուի:

Հալէպի իրավիճակը ներկայիս շատ աւելի լաւ է, համեմատած անցեալ  վեց տարիներուն: Ժողովուրդը  հանգիստ իր աշխատանքին կ'երթայ, Հալէպի վերականգնումը սկսած է արդէն, մեր վարժարանները , եկեղեցիները կը վերանորոգուին, քանդուած խանութները, տուները բոլորը կը նորոգուին եւ ամէն մարդ սկսած է  իր աշխատանքին դառնալ, կրնամ ըսել, որ նոր կեանք սկսած է Հալէպի մէջ: 

Ինչ կը վերաբերի ապրուստ ապահովելու խնդրին, ըսեմ, որ ան որ կ'աշխատի շատ հանգիստ իր ապրուստը կ'ապահովէ, իմ նման կիները նոյնպէս աշխատանքի լծուած են. իմ ասպարէզիս մէջ մօտաւորապէս 30 հայ կին կայ, որ յաճախ ցուցահանդէսներու կը մասնացկին եւ  օգտակար կը դառնան իրենց ընտանիքին:

 

-Դուք անձնական փորձով մը ցոյց տուած եղաք, որ հնարաւոր է կարճ ժամանակամիջոցի մէջ ստեղծել յատուկ աշխատանք եւ այդ աշխատանքով ալ պահել ձեր ընտանիքը եւ հոգալ օրուայ պէտքերը, ի՞նչ փորձառութիւն էր ձեր ապրածը, ի՞նչ կրնաք ըսել մեր ընթերցողներուն:

Ես 2010-էն արդէն ձեռային աշխատանքով զարդեր կը պատրաստէի, բայց ոչ թէ որպէս գործ, այլ՝ զբաղում, երբ պատերազմը սկսաւ, մտածեցինք 15 օրով պտոյտի երթալ Հայաստան, մինչեւ վիճակը հանդարտի, սակայն այդ ընթացքին օդակայանը փակուեցաւ եւ մենք չկրցանք վերադառնալ Հալէպ: Հայաստան մնալով, մի քանի ամիս ետք արդէն բոլորս ստիպուեցանք աշխատիլ, եւ քանի որ իմ ձեռքս արդէն արհեստ կար,  սկսայ ձեռային զարդեր գործել, սակայն ոչ թէ զբաղումի համար, այլ՝ օրուայ ապրուստը ապահովելու : Հայաստանի մէջ զանազան ցուցահանդէսներու մասնակցեցայ, ոչ մէկ առիթ բաց կը թողէի, որովհետեւ  օրուայ ապրուստ ապահովելը շատ դժուար էր մեզի համար հայրենիքի մէջ, եւ կրնամ ըսել որ հայրենիքը աշխատանքի գետնի վրայ ինծի շատ զօրացուց: 2015-ին ընտանեօք յարմար նկատեցինք Հալէպ վերադառնալ,  ճիշդ է մեր տան մօտ միշտ հրթիռներ կ'իյնային, սակայն չէինք յուսահատեր, ետ կը նորոգէինք, ամուսինս ու տղաս ալ ետ իրենց գործին սկսան, բարեբախտաբար մեր խանութը չէր վնասուած:

Հալէպի մէջ ես շարունակեցի Հայաստան սկսած իմ աշխատանքս, յաճախ ցուցահանդէսներու մասնակցեցայ եւ մեծ յաջողութիւն կրցայ ունենայ, զգացի որ իսկապէս ես կրնամ աշխատիլ եւ օգտակար դառնալ: Անցեալ տարի օգոստոսին, երբ Դամասկոսի միջազգային ցուցահանդէսին  մասնակցեցայ եւ բախտը ունեցանք հիւընկալուելու Սուրիոյ առաջին տիկնոջ՝ Ասմաա Ասատի կողմէ, այդ օրը ես որոշում առի, որ այլեւս պէտք է իմ անձնական գործը ունենամ, եւ այդ ուղղութեամբ սկսայ աշխատիլ, կրկնապատկեցի  գործս եւ այսօր մէկ ու կէս ամիս է, որ ես բացած եմ իմ խանութս: Այս յաջողութեանս մէջ ինծի շատ օգնեց ամուսինիս, հարազատներուս, ընկերներուս քաջալերանքը, այսօր արդէ հանգիստ կ'աշխատիմ, ունիմ իմ յաճախորդներս, նոր շրջապատ եւայլն, եւ այսպիսով նոյնիսկ եթէ ընտանիքիս ապրուստը չեմ ապահովեր, գոնէ իմ ծախսերս կը հոգամ եւ բեռ չեմ իմ ամուսինիս ու զաւակներուս վրան, ինչը ինծի համար մեծ հաճոյք եւ մեծ ուրախութիւն է: 

 

-Գալով Հալէպի ապագային, ի՞նչ մօտեցումներ ունիք, ի՞նչպիսի ապագայ կրնայ սպասել հայկական Հալէպին, յատկապէս որ վերջին շրջանին շատ կը խօսուի այն մասին, որ հայութեան թիւը նօսրացած է եւ գաղութը առաջուան թուային պատկերը չունի:

Ես յոյսով եմ, որ Հալէպը  շատ աւելի լաւ պիտի ըլլայ, այո յաճախ կ'ըսուի, որ հայութեան թիւը նօսրացած է, սակայն պէտք չէ հաւատալ այդ խօսքերուն, Հալէպը միշտ աշխուժ է: Վստահ եմ որ Հալէպի ապագայի մասին յոռետես արտայայտութիւններ ընողները եթէ Հալէպ գան եւ մէկ ձեռնարկի մը ներկայ ըլլան, պիտի տեսնեն, որ իրապէս Հալէպի մէջ կեանք կայ: Մենք այստեղ շատ հանգիստ ենք, ոչ ոք մեզի նեղութիւն կու տայ, ես իմ գործիս բերումով ամէն տեսակ մարդոց հետ շփում ունեցայ, հաւատացէ՛ք որ բոլորն ալ մեզի շատ կը յարգեն եւ մենք իբր հայ շատ յարգուած եւ սիրուած ենք տեղացի արաբ ժողովուրդին կողմէն:

Անշուշտ մենք հայրենիք ունինք, ատոր կարօտն ալ կը զգանք , բայց Հալէպը մեր ծննդավայրն է, մենք Հալէպ ապրած ենք, Հալէպի հացը կերած ենք: Յուսամ եկող օրերը աւելի լաւ կ'ըլլան եւ բոլոր անոնք, որոնք օտար ափեր գացին, իրենց տուները կը դառնան: 

 

 

 

 

Լրահոս
Ամենաընթերցուած
Օրվա
Շաբաթվա
Ամսվա
One of the world's oldest civilizations, Armenia once included Mount Ararat, which biblical tradition identifies as the mountain that Noah's ark rested on after the flood. It was the first country in the world to officially embrace Christianity as its religion (c. A.D. 300).In the 6th century B.C. , Armenians settled in the kingdom of Urartu (the Assyrian name for Ararat), which was in decline. Under Tigrane the Great (fl. 95–55 B.C. ) the Armenian empire reached its height and became one of the most powerful in Asia, stretching from the Caspian to the Mediterranean seas. Throughout most of its long history, however, Armenia has been invaded by a succession of empires. Under constant threat of domination by foreign forces, Armenians became both cosmopolitan as well as fierce protectors of their culture and tradition. Over the centuries Armenia was conquered by Greeks, Romans, Persians, Byzantines, Mongols, Arabs, Ottoman Turks, and Russians. From the 16th century through World War I, major portions of Armenia were controlled by their most brutal invader, the Ottoman Turks, under whom the Armenians experienced discrimination, religious persecution, heavy taxation, and armed attacks. In response to Armenian nationalist stirrings, the Turks massacred thousands of Armenians in 1894 and 1896. The most horrific massacre took place in April 1915 during World War I, when the Turks ordered the deportation of the Armenian population to the deserts of Syria and Mesopotamia. According to the majority of historians, between 600,000 and 1.5 million Armenians were murdered or died of starvation. The Armenian massacre is considered the first genocide of the 20th century. Turkey denies that a genocide took place and claims that a much smaller number died in a civil war.read more: Armenia: Maps, History, yerevanvideo.com Geography, Government, Culture