Գալուստ Կիւլպէնկեան հիմնարկութեան նոր օժանդակութիւնը՝ Հայաստան հիմնադրամին... Զոհրապ Մնացականեանը հանդիպած է ԵԱՀԿ Մինսքի խումբի համանախագահներուն հետ... Իրան հարուածած է Ատրպէյճանի դիրքերը... Կալինա եւ Անտրէյ...Խղճի մարտիկները...
Նախարարութեան փակումով Սփիւռքը անտէր ու որբ պիտի մնայ. Սփիւռքահայ գործիչ
Նախարարութեան փակումով Սփիւռքը անտէր ու որբ պիտի մնայ. Սփիւռքահայ գործիչ
29 Դեկտեմբեր 2018 , 11:40

Սփիւռքի նախարարութեան փակման խօսակցութիւններու առթիւ ընդվզման ալիք բարձրացած է Սփիւռքի մէջ: Քուէյթաբնակ գործարար, արաբական շարք մը թերթերու մէջ հայութեան խնդիրներուն շուրջ յօդուածներով հանդէս եկող Կիրակոս Գույումճեանը ըսաւ, որ սփիւռքի որոշ շրջանակներու մէջ լուրը ցնցիչ ազդեցութիւն ունեցած է. «Այնպիսի տպաւորութիւն է, որ նախարարութեան փակումով Սփիւռքը որբ ու անտէր պիտի մնայ: Այս կարեւոր հարցին շուրջ  Սփիւռքի կարծիքը ոչ մէկը հաշուի չառաւ, ահա ինչու՝ շատերը վիրաւորուած են այս օրինագիծը մշակողներէն»,Արեւելքի» հետ զրոյցի ժամանակ ըսաւ Կիրակոս Գույումճեանը:

Դիտարկման, որ նախարարութիւններու կրճատումը կամ այլ նախարարութիւններու հետ միաւորումը միջոցներու եւ աշխատանքներու արդիւնաւէտ ու առաւելագոյն կառավարման նպատակ ունի, Քուէյթի մէջ աշխատող հայ գործարարը պատասխանեց. «Մենք ալ կ'ուզենք, որ խնայողութիւն եւ միջոցներու նպատակային օգտագործում ըլլայ, սակայն կը կարծեմ, որ սա՛ չէ այդ հարցի լուծումը: Կարելի էր անձնակազմի թիւը կրճատել, տարածքը փոքրացնել, ծախսերը քիչցնել, բայց արդէն կայացած նախարարութիւնը, որ տասը տարի է կը գործէր եւ մեծ աշխատանքներ կ'ընէր, մէկ անգամէն փակելով արդիւնաւէտ կառավարում չեն ըներ: Շատ սփիւռքահայեր կան, որ գործով կու գային եւ միայն նախարարութիւն այցելելով իրենց գործերը կը դասաւորէին: Տարբեր հարցեր ունէին, եւ մէկ նախարարութիւնը այդ տարբեր հարցերը մէկ անգամէն կը լուծէր,  սփիւռքահայը կարիք չունէր զանազան տեղեր երթալու: Սփիւռքի նախարարութիւնը մեզի համար  այսպես ըսած «մէկ պատուհանի» նախարարութիւն էր: Մէկ վայրի միջոցով մենք մեր բոլոր հարցերը կը լուծէինք: Ամենատարբեր հարցերով կը դիմէին սփիւռքահայերը՝ համաժողովներէն մինչեւ պիզնես ծրագրեր, գիրքերու տպագրութիւն, առաջարկներու քննարկում եւ այլն…  Այս որոշումը ընդունողները իրենք իրենց սփիւռքի տեղը թող դնեն. ըսենք սփիւռքահայը կու գայ, մի քանի գործ ունի, մի քանի տարբեր հարցեր ունի եւ տեղեակ չէ՝ ո՞ւր պիտի երթայ, ո՞ր մէկ գերատեսչութեան դուռը պիտի զարնէ, ի՞նչ քաշքշուկներու  պիտի հանդիպի: Առաջ գիտէինք, որ Սփիւռքի նախարարութիւն երթալով, մեր բոլոր հարցերը ներկայացնելով՝ լուծում պիտի ստանանք, հիմա դուռէ դուռ պիտի իյնա՞նք, պատեպատ պիտի զարնուի՞նք»,-վրդոված է մեր զրուցակիցը, աւելցնելով, որ արդիւնաւէտութեան համար կարելի էր ծախսերը վերահսկել, թերացումները գտնել եւ անոր դէմ պայքարիլ:   

Ըստ Կիրակոս Գույումճեանին, եթէ օրինագիծը ընդունուի, Սփիւռքէն մեծ ընդվզում պիտի ըլլայ.  «Առաջին ընդվզողներէն մէկն ալ ես եմ: Բաւական ծրագիրներ կային սկսած, ես չեմ պատկերացներ, թէ ինչ պիտի ըլլայ այդ ծրագիրներու ապագան:

Իբրեւ գործարար կրնամ ըսել, որ սփիւռքահայ գործարարներուն մօտ Հայաստանի հանդէպ անվստահութիւն պիտի առաջանայ: Շատերը իրենց պիզնես ծրագիրները նախարարութեան միջոցով կ'իրականացնէին: Ճիշդ է՝ նախարարութիւնը այդ գործառոյթը չունի, բայց կրնար վերահսկել սփիւռքահայուն քայլերը, աջակցիլ, ուղղութիւն ցոյց տալ, օրէնքներուն ծանօթացնել: Եւ եթէ ներդրողը որեւէ խնդրի հանդիպէր, ապա գիտէր, որ նորէն նախարարութեան պիտի դիմէ, իր հարցերը լուծողը նախարարութիւնն էր:  Հիմա այն որ ներդրում պիտի ընէ, չի գիտեր՝ ո՞ւր պիտի դիմի, ուրկէ՞ պիտի սկսի»,-ըսաւ ան, վստահեցնելով, որ նախարարութիւնը արդէն գտեր էր սփիւռքահայու հետ աշխատելու ճանապարհը, կրցեր էր հասկնալ սփիւռքի հոգեբանութիւնը:  

Մեր զրուցակիցը չի պատկերացներ նաեւ, թէ ի՞նչ ճակատագրի պիտի արժանանան «Արի տուն» եւ սփիւռքահայ երեխաներու ու երիտասարդներու համար իրականացուով այլ ծրագիրները, բժիշկներու, գործարարներու, ճարտարապետներու, լրագրողներու եւ նախարարութեան կազմակերպած այլ համաժողովները. «Շատ մարդիկ ծրագիրներ կ'իրականացնէին այդ համաժողովներու շրջագիծէն ներս: Միւս կողմէն ալ նախարարի այցերը՝ սփիւռքահայ համայնքներ, նոյնպէս կ'ոգեւորէին գաղութները: Սփիւռքի համար սփիւռքի նախարարութիւնը մեր կառավարութիւնն էր,  կառավարութեան կշիռ ունէր մեզի համար: Այս նախարարութիւնը հոգեւոր իմաստով սփիւռքի  հովանաւորն էր, իսկ Սուրիոյ պատերազմէն ետք նաեւ ֆիզիքապէս հովանաւոր եղաւ հազարաւոր սուրիահայերու համար: Պէտք չէ ուրանալ այն մեծ օգնութիւնը, որ նախարարութիւնը ցուցաբերեց սուրիահայերուն»,-ըսաւ մեր զրուցակիցը, իր տարակուսանքը յայտնելով նաեւ Մշակոյթի նախարարութեան՝ մէկ այլ նախարարութեան հետ միաւորման առթիւ.

«Աշխարհին մենք մեր մշակոյթէն բացի ուրիշ ոչինչով կրնանք ներկայանալ: Փոխանակ աւելի մեծցնեն մշակութային դաշտի զարգացումը, պիւտճէն աւելցնեն,  կը կրճատեն»,-ըսաւ Կիրակոս Գույումճեանը, յոյս յայտնելով, որ կառավարութիւնը կը վերանայի օրինագիծը եւ համահայկական շահը ներառող որոշում կ'ընդունի:

Լրահոս
Ամենաընթերցուած
Օրվա
Շաբաթվա
Ամսվա
One of the world's oldest civilizations, Armenia once included Mount Ararat, which biblical tradition identifies as the mountain that Noah's ark rested on after the flood. It was the first country in the world to officially embrace Christianity as its religion (c. A.D. 300).In the 6th century B.C. , Armenians settled in the kingdom of Urartu (the Assyrian name for Ararat), which was in decline. Under Tigrane the Great (fl. 95–55 B.C. ) the Armenian empire reached its height and became one of the most powerful in Asia, stretching from the Caspian to the Mediterranean seas. Throughout most of its long history, however, Armenia has been invaded by a succession of empires. Under constant threat of domination by foreign forces, Armenians became both cosmopolitan as well as fierce protectors of their culture and tradition. Over the centuries Armenia was conquered by Greeks, Romans, Persians, Byzantines, Mongols, Arabs, Ottoman Turks, and Russians. From the 16th century through World War I, major portions of Armenia were controlled by their most brutal invader, the Ottoman Turks, under whom the Armenians experienced discrimination, religious persecution, heavy taxation, and armed attacks. In response to Armenian nationalist stirrings, the Turks massacred thousands of Armenians in 1894 and 1896. The most horrific massacre took place in April 1915 during World War I, when the Turks ordered the deportation of the Armenian population to the deserts of Syria and Mesopotamia. According to the majority of historians, between 600,000 and 1.5 million Armenians were murdered or died of starvation. The Armenian massacre is considered the first genocide of the 20th century. Turkey denies that a genocide took place and claims that a much smaller number died in a civil war.read more: Armenia: Maps, History, yerevanvideo.com Geography, Government, Culture