Թուրքիոյ իշխող «Արդարութիւն եւ զարգացում» կուսակցութեան Պաշիսքելէ շրջանային կառոյցի ղեկավար՝ Սուլեյման Օզքարաասլանի գայթակղային գրառումի շուրջ քննարկումները, տակաւին կը շարունակուին, կը հաղորդէ «Ermenihaber»-ը։
Ան twitter-ի իր էջին գրած էր. «1989 թուականին եկած պուլկարացիներուն, 1959 թուականին եկած Սալոնիքի կրօնափոխներուն (նկատի ունի իսլամացած հրեաները) եւ Թուրքիոյ մէջ անօրինական ապրող 100 հազար հայերուն սուրիացիներուն հետ միասին վտարենք: Համաձա՞յն էք»:
Օզարաասլանը, իր այս ցեղապաշտական գրառման համար, դատապարտած են ոչ միայն ընդդիմադիր բազմաթիւ գործիչներ, այլեւ իր որոշ կուսակիցները:
Ինչպէս պարզ դարձած է, անոր այս գրառումը ներկայացուած է կուսակցութեան կարգապահական խորհուրդին քննարկման, նախաձեռնութեամբ՝ «Արդարութիւն եւ զարգացում» կուսակցութեան նահանգային գրասենեակի ղեկավար՝ Մեհմետ Էլլիպէշի: Իսկ ե՞րբ տեղի պիտի ունենայ կուսակցական կարգապահական խորհուրդի նիստը, առայժմ յայտնի չէ: