image

Լիբանանահայ Տիգրան Զաքարեան շահած է LOTO-ի մեծ մրցանակը. Գումարը 1.2 միլիոն ամն տոլար է (Վիտէօ)

Լիբանանահայ  Տիգրան  Զաքարեան     շահած է  LOTO-ի  մեծ մրցանակը. Գումարը    1.2 միլիոն ամն տոլար է (Վիտէօ)

Լիբանանահայ Տիգրան Զաքարեանը   շահած է  «ԼՈԹՈ»  բախտախաղի   գլխաւոր մրցանակը։   Այս մասին տեղեկութիւնը հաղորդած   են լիբանանեան  ԶԼՄ-ներ նշելով, որ    գլխաւոր մրցանակին     գումարը կը կազմէ    2.421  միլիոն լիբանանեան  թղթոսկի։

 Զաքարեան, որ այս առթիւ  խօսած է   լրատուական  ծառայութիւններուն  յայտնած է, որ  ինք  «ԼՈԹՈ»ի հաւատարիմ գնորդ  է,  եւ    շաբաթը երկու անգամ կը մասնակցի   այդ բախտախաղին  յայտնելով նաեւ, որ   շահած  օրը  եղած է  հեռատեսիլին դիմաց  եւ լուրն առնելէն     ետք  ամբողջ  գիշերը  արթուն մնացած է։ Ան  նաեւ ըսած է, որ ինք   համեստ ընտանիքի տէր վարորդ է  եւ  իր համար   Լիբանանը  մշտական       հայրենիք  է, ու ինչ ալ ըլլան  պայմանները, ոչ մէկ առթիւ մտածած է լքել Լիբանանը։

Ան նաեւ ըսած է, որ  այս բոլորին մէջ ամէնէն ուրախալին  այն է,  որ  ինք  հեշտ կերպով պիտի կարողանայ    կերտել   իր զաւակներուն ապագան։

  Նշենք, որ    լիբանանեան թղթոսկիի այսօրուան հաշուարկներով       Զաքարեանի  շահած գումարը  կը կազմէ   աւելի  քան    1.2 միլիոն տոլար, մինչ      17 հոկտեմբերի  դէպքերէն առաջ  այն կը  կազմէր   շուրջ    1.6 միլիոն  ամերիկեան տոլար։

 

  Կը մնայ   գլխաւոր  հարցադրումը, արդեօք լիբանանեան  դրամատուները  պիտի ընդունի՞ն «ԼՈԹՈ»ի          կողմէ   պատրաստուած   չէքը եւ  անոր դիմաց      ակնկալուած գումարը պիտի վճարե՞ն մեր հայրենակցին։