image
Հրատապ լուրեր:

Բարձրագոչ ծափահարութիւններ. Լիբանանցիք այդպէս ողջունեցին իրենց բժիշկները (Տեսանիւթ)

Բարձրագոչ ծափահարութիւններ. Լիբանանցիք    այդպէս ողջունեցին իրենց բժիշկները  (Տեսանիւթ)

Հազարաւոր  լիբանանցիներ երէկ   երեկոյեան   դուրս եկան իրենց  պատշգամները եւ  բարձրագոչ    ծափահարութիւններով  ողջունեցին          իրենց  բժիշկներն ու  առողջապահութեան ոլորտի  գործիչները։

   Նշենք, որ քաղաքացիական   հասարակութեան ներկայացուցիչներ,  կուսակցութիւններ եւ պատկառելի  գործիչներ աւելի  վաղ կոչ մ՚ընելով  դիմած էին  իրենց հայրենակիցներուն     բարձրաձայն  շնորհակալութիւն  յայտնել   երկրով մէկ տարածուած  հիւանդանոցներուն  մէջ  բժշկական   ծառայութիւն մատուցող   բժիշկներուն,  բոժքոյրներուն եւ առողջապահական ոլորտի    հարիւրաւոր  գործիչներուն։

  Ինչպէս   սպասելի էր, լիբանանցիք մէկ մարդու նման   իրենց  պատշգամները  դուրս  գալով, կամ  պատուհաններուն մօտենալով  ՝ ծափողջոյններով     ողջունեցին      առողջապահութեան   ոլորտի   աշխատակիցները։

Ուշագրաւ է նաեւ,  որ ինչպէս    աշխարհի     մեծաթիւ երկիրներուն մէջ, նոյնպէս ալ Լիբանանի  մէջ    քաղաքացիներ  կը հաւատան, որ այսօրուան դրութեամբ     երկրի բոլոր  բժիշկներն ու բոյժաշխատողները   իսկական հերոսներ են, որոնք առաջնային  դեր ստանձնած են «Քորոնա» վարակին դէմ    շղթայազերծուած     պայքարին  մէջ։

  Յիշեցնենք, որ Լիբանանի մէջ «Քորոնա»ի վարակակիրներու  թիւը անցած է  400-ը,  իսկ  զոհերուն    թիւն է ՝ 10-ը, որոնց մէջ է նաեւ լիբանանահայ  երիտասարդ  Պետիկ Օղկասեանը։