15.09c
Երեվան
ուրբ, ապր 26
Թրքական Gerçek Hayat ամսագիրը հրապարակած է 176 էջանի յատուկ թիւ, որ թիրախ դարձուցած է Թուրքիոյ կրօնական փոքրամասնութիւններու ներկայացուցիչները: Ամսագրի յատուկ հրապարակման վերնագիրն է․ «FETO. ո՞վ է գլխաւոր ահաբեկիչ Ֆէթհիւլլա Կիւլէնը: Ամենադաժան ահաբեկչական կազմակերպութեան 100-ամեայ պատմութիւնը»։
Ամսագրի յատուկ թիւը, որ, ինչպէս կը սպասուի, մինչեւ 2020-ի սեպտեմբերը շրջանառութեան մէջ պիտի մնայ, կը պնդէ, որ կրօնական փոքրամասնութիւններու առաջնորդները FETO-ի յանցակիցներ են։ Հրապարակուած են նաեւ այդ առաջնորդներու լուսանկարները:
Յօդուածը կը պնդէ, որ Յունաց Տիեզերական պատրիարք Բարդուղիմէոսը օգնած է FETO-ին կազմակերպելու 2016-ի պետական յեղաշրջման փորձը: Թիրախ դարձած են նաեւ Հրէից համայնքի գլխաւոր ռապպին, Կոստանդնուպոլսոյ Հայոց նախկին Շնորհք պատրիարքը եւ Հռոմի Յովհաննէս Պօղոս Բ. Պապը:
Gerçek Hayat-ը կապուած է Albayrak Holding-ի հետ, որ յայտնի է, որպէս Թուրքիոյ նախագահ Ռեճէպ Թայէպ Էրտողանի հետ սերտ կապ ունեցող հսկայ ընկերութիւն: Անոնք ԶԼՄ-ներուն ճամբով սատար կը կանգնին արմատական իսլամներուն եւ յաճախ ալ կը հետապնդեն քրիստոնեաները՝ ատելութեան խօսքի ճամբով։
Սոյն թեմային «Արեւելք» պիտի անդրադառնայ աւելի ուշ։
