Պէյրութի պայթումին հետեւանքով զոհուած է քոյր Սոֆի Խոսրովեանը... Սենոր Հասրաթեանը լքեց իր պաշտօնը... Պէյրութի պայթում. «Խորհրդաւոր» բեռ... եւ կարեւոր տուեալներ անյայտ պատճառներով Լիբանան հասած Rhosus նաւուն մասին... Լիբանանի Հայութիւնը Պիտի Վերականգնի Համազգային Զօրակցութեամբ...
«Հիմա Լիբանանի մէջ հայութիւնը շքեղ, բայց դատարկ շատ կառոյցներ ունի, ի՞նչ ընենք այդ բոլորը ...» Ռոզեթ Ալէմեան
«Հիմա  Լիբանանի մէջ հայութիւնը շքեղ, բայց դատարկ  շատ   կառոյցներ ունի,  ի՞նչ ընենք  այդ բոլորը ...» Ռոզեթ  Ալէմեան
10 Յուլիս 2020 , 22:37

«Արեւելք»ի հարցերուն կը պատասխանէ լիբանանահայ կրթական մշակ եւ հասարակական   գործիչ Տիկ. Ռոզէթ Ալէմեանը.

 

-Տնտեսական տագնապի այս դժուարին օրերուն, ինչպիսի՞ն է իրավիճակը հայկական  գաղութէն ներս։ Դժուարութիւններ կա՞ն, եւ արդեօք երեւելի են այդ դժուարութիւնները։


Հոկտեմբեր 2019-էն սկսեալ Լիբանանի մէջ կը տիրէ տնտեսական եւ ընկերային ու քաղաքական լուրջ տագնապ: Ասոր աւելցաւ «Քորոնա» ժահրը, որուն հետեւանքով մեծապէս տուժեց երկրի տնտեսութիւնը: Հայկական գաղութն ալ անմասն չէր կրնար մնալ այս տագնապէն, յատկապէս, նկատի առնելով, որ գաղութիս մէկ կարեւոր մասը կը զբաղի արհեստներով, որոնք այսօր մեծ նահանջ արձանագրած են: Հետեւաբար անգործութիւնը կամ լաւագոյն պարագային կէս ամսականով աշխատանքը, նաեւ առեւտուրի բացակայութիւնը իր ժխտական անդրադարձը ունեցան: Կարիքաւոր ընտանիքները չքաւոր դարձան, իսկ իրենց ամսականով ապրողները արդէն իսկ՝ կարիքաւոր: Այս բոլորը տեսանելի կը դառնան երբ եկեղեցիներ կամ բարեսիրական հաստատութիւններ նպաստ կը բաժնեն: 

 

-Տագնապը եթէ այսպէս  շարունակուի, ի՞նչ տիպի  բարդութիւններ կրնան յայտնուիլ։ Խօսքը ամէնօրեայ կենցաղի եւ ատոր կապուած  կարեւոր գործօններուն մասին է,  ջուրի, լուսաւորութեան, հացի  կամ այլ խնդիրներ կրնա՞ն ծագիլ։


Ճիշդ է որ Լիբանանի մէջ կը տիրէ տնտեսական ճգնաժամ, բայց զուգահեռ կ'ընթանայ նաեւ՝ քաղաքականը: Քաղաքական ճնշումներու տակ կը փորձեն ալ աւելի բարդացնել վիճակը: Մէկ կողմէն ժողովուրդը կ'ենթարկուի տնտեսական սպառնալիքներու եւ ամէնօրեայ կենցաղի պէտքերու կրճատման, միւս կողմէն ջանք կը թափուի յոռեգոյնին չհասնելու: 

 

-Այս բոլորէն անդին, ձեր կարծիքով, եթէ իրավիճակն այսպէս  շարունակուի, կրնա՞յ ըլլալ,որ Լիբանանը  բռնէ  քաղաքացիական  նոր պատերազմի ճանապարհը։


Ներկայ համաշխարհային քաղաքական տուեալներէն ելլելով դժուար թէ քաղաքացիական պատերազմ սկսի: Սակայն, տնտեսական անկումի կողքին բարոյական անկումը, իր լայն իմաստով, ժողովուրդ մը կրնայ առաջնորդել դէպի անբաղձալի յորձանուտ: Այս մէկը նկատելի պիտի ըլլայ, եթէ անմիջական լուծումներ չգտնուին:

 

-Ի՞նչ  ըսել կ՚ուզէք  անբաղձալի  յորձանուտ ըսելով։


Անբաղձալի յորձանուտ ըսելով նկատի ունիմ ԱՄՆ տոլարի անսանձելի մագլցումը եւ այդ պատճառվ վառելանիւթի պակասը որուն հետեւանքով  ելեկտրականութեան երկար անջատումներ, հացի արտադրութեան կրճատում,  տեղի ունենան:Նաեւ կենցաղի անհրաժեշտ ապրանքներու բացակայութիւն շուկայէն: Այս բոլորը վերջ ի վերջոյ կրնայ անհանդուրժելի դարձնել կեանքը որուն հետեւանքով անախորժ միջադէպեր կրնան պատահիլ եւ որոշ զինեալ բախումներ կամ սպանութիւններ: Մաղթենք որ նման դէպքերու առաջ չգտնուինք, իսկ եթէ գտնուինք կը կործանինք դժբախտաբար:

 

 

 

-Տագնապէն դուրս գալու յոյսերը  ինչպէ՞ս կը գնահատէք։


Ներկայ դրութեամբ Լիբանան անել վիճակի մատնուած է, շատ բան պէտք է փոխուի որպէսզի երկիրը իբր պետութիւն, եւ  ժողովուրդ վերականգնուի: Կարճաժամկէտ լուծումներ կրնան գտնուիլ, սակայն հիմնական լուծումը կը կարօտի տարիներու ջանքի: 

 

-Հայութիւնը  ապագայ ունի՞  Լիբանանի  մէջ:


Թերեւս այս հարցումը ուրիշ ձեւով պէտք է հարցնել՝ Հայութեան ապագան ո՞ւր պէտք է  ըլլայ: Լիբանանի հայութիւնը Սփիւռքի բաբախող սիրտն էր,  մտաւորականութեան եւ ազատ միտքի կեդրոնը: 

Նոյնը չենք կրնար հիմա ըսել. պատճառները այլազան են. մեր ուշադրութիւնը մարդակերտումի եւ հայակերտումի վրայ չկեդրոնացուցինք: Չեմ ըսեր այդ ուղղութեամբ աշխատանք չտարինք, սակայն դժուար օրերուն ի յայտ եկաւ, որ մարդիկ ճամպրուկները առին ու պիտի առնեն եւ հեռանան Լիբանանէն: Թէ ո՞ւր կամ ո՞ւր պէտք է համախմբուինք, այս է էական հարցը:

Շքեղ բայց դատարկ կառոյցներ ունինք, ի՞նչ պիտի ընենք:

 

Լրահոս
Ամենաընթերցուած
Օրվա
Շաբաթվա
Ամսվա
One of the world's oldest civilizations, Armenia once included Mount Ararat, which biblical tradition identifies as the mountain that Noah's ark rested on after the flood. It was the first country in the world to officially embrace Christianity as its religion (c. A.D. 300).In the 6th century B.C. , Armenians settled in the kingdom of Urartu (the Assyrian name for Ararat), which was in decline. Under Tigrane the Great (fl. 95–55 B.C. ) the Armenian empire reached its height and became one of the most powerful in Asia, stretching from the Caspian to the Mediterranean seas. Throughout most of its long history, however, Armenia has been invaded by a succession of empires. Under constant threat of domination by foreign forces, Armenians became both cosmopolitan as well as fierce protectors of their culture and tradition. Over the centuries Armenia was conquered by Greeks, Romans, Persians, Byzantines, Mongols, Arabs, Ottoman Turks, and Russians. From the 16th century through World War I, major portions of Armenia were controlled by their most brutal invader, the Ottoman Turks, under whom the Armenians experienced discrimination, religious persecution, heavy taxation, and armed attacks. In response to Armenian nationalist stirrings, the Turks massacred thousands of Armenians in 1894 and 1896. The most horrific massacre took place in April 1915 during World War I, when the Turks ordered the deportation of the Armenian population to the deserts of Syria and Mesopotamia. According to the majority of historians, between 600,000 and 1.5 million Armenians were murdered or died of starvation. The Armenian massacre is considered the first genocide of the 20th century. Turkey denies that a genocide took place and claims that a much smaller number died in a civil war.read more: Armenia: Maps, History, yerevanvideo.com Geography, Government, Culture