15.09c
Երեվան
ուրբ, ապր 26
| Այսօր, փոքրիկ հրեշտակը չդիմանալով այդ տառապանքներուն, աւանդած է իր հոգին | |
Լիբանանցիներու շրջանակներուն մէջ այսօր ամենաշատ քննարկուած թեման Ալէքսանտրա Նաժժարի թեման էր։
3 տարեկան փոքրիկը, որ նաեւ եղած է անցնող հոկտեմբերին Լիբանանի մէջ ծաւալած բողոքի ցոյցերուն ամենափոքրիկ «ցուցարար»ը, այսօր կնքած է իր մահկանացուն։
«Արեւելք»ի ունեցած տուեալներով Ալէքսանտրան, ինչպէս իր ծնողները՝ հայրն ու մայրը վիրաւորուած էին Պէյրութի պայթումին հետեւանքով եւ այսօր փոքրիկ հրեշտակը չդիմանալով այդ տառապանքներուն աւանդած է իր հոգին։
Անոր հայրը, որ այսօր խօսած է լրատուական ծառայութիւններուն, ըսած է, որ իրենք միշտ ալ խուսափած են հրապարակաւ խօսիլ իրենց տեսակէտներուն կամ ցոյցերուն մասնակցութեան մասին, սակայն այսօր, երբ կորսնցուցած են իրենց սիրելի դուստրը, ուզած են խօսիլ ու պատմել. «Թերեւս Ալէքսանտրայի մահը արթնցնէ մեր ղեկավարներուն խիղճը ...» ըսած է ան։
Յիշեցնենք, որ Լիբանանը ցնցած պայթումին հետեւանքով զոհուածներուն թիւը հասած է 154-ի, իսկ վիրաւորուածներունը՝ 5000-ի։
