Այս պահին Մայր Աթոռ Սուրբ Էջմիածնում կատարվում է հոգեհանգստյան կարգ՝ օգոստոսի 4-ին Լիբանանի պայթյունից զոհվածների համար: Ամենայն Հայոց կաթողիկոս Գարեգին Բ-ն հոգեհանգստյան արարողության ժամանակ իր վշտակցությունը հայտնեց զոհվածների հարազատներին եւ զորակցություն՝ Լիբանանի նախագահին: Նա նաեւ կոչ արեց համայն հայությանը՝ օգնել լիբանանահայությանը: Արարողությանը ներկա են Հայաստանում Լիբանանի դեսպան Մայա Դաղերը, հայկական կազմակերպությունների ղեկավարներ, լիբանանահայեր:
Հոգեհանգստյան կարգը կատարվեց կիրակնօրյա Սուրբ պատարագից հետո:
Լուսանկարները՝ «Արեւելքի»