image

Վատիկանի մէջ յիշատակուեցաւ Սուրբ Գրիգոր Նարեկացին

Վատիկանի մէջ  յիշատակուեցաւ Սուրբ Գրիգոր Նարեկացին

Վատիկանի  մէջ տեղադրուած Սբ. Գրիգոր Նարեկացիի արձանին մօտ երէկ տեղի ունեցած է միջեկեղեցական արարողութիւն՝ նախաձեռնութեամբ Հայաստանեայց  Առաքելական  Եկեղեցւոյ Սուրբ Աթոռի մէջ Ներկայացուցչութեան   եւ Սուրբ Աթոռէն ներս  ՀՀ  Դեսպանութեան։

Արարողութեան նախագահած է  Վատիկանի Արեւելեան կաթողիկէ եկեղեցիներու ժողովի կառավարիչ քարտինալ Լէօնարտո Սանդրի   եւ  Քրիստոնէական միութեան խրախուսման քահանայապետական խորհուրդի նախագահ քարտինալ Կուրտ Կոխի։

Այս  մասին   «Արեւելք» տեղեկութիւն ստացաւ Հայաստանեայց  Առաքելական Եկեղեցւոյ Սուրբ Աթոռի մէջ Ներկայացուցչութենէն։   

Նշենք, որ հայ մեծագոյն սուրբի ու աստուածաբանի յիշատակութեան արարողութեան նախագահած  Տ. Խաժակ արք. Պարսամեան։ Արարողութեան ներկայ  եղած է   նաեւ Մխիթարեան Միաբանութեան  մեծաւոր  եւ Պոլսոյ  Հայ  Կաթողիկէ համայնքի  վիճակաւոր՝  Տ. Լեւոն արք. Զէքիեան եւ  ՀՀ Սուրբ Աթոռի  եւ  Իտալիոյ  Հանրապետութեան մէջ դեսպաններ՝ Կարէն Նազարեան  եւ Ծովինար Համբարձումեան։

Նախքան միջեկեղեցական արարողութիւնը, քարտինալ Լէօնարտո Սանդրի Սուրբ Պատարագ մատուցեց ի յիշատակ Սուրբ Գրիգոր Նարեկացիին։ Համապատարագեցին՝  Տ․ Լեւոն արք. Զէքիեան  եւ Քրիստոնէական միության խրախուսման քահանայապետական խորհուրդի քարտուղար քարդինալ Բրայան Ֆարել։

Մեր  ընթերցողներուն յիշեցնենք, որ 12  ապրիլ  2015 -ին Հռոմի Սուրբ Պետրոս Տաճարէն  ներս ՝ Հայոց Ցեղասպանության 100-ամեայ  տարելիցին նուիրուած Սուրբ Պատարագի ընթացքին Ֆրանչիսքոս Պապը Սուրբ Գրիգոր Նարեկացին հռչակեց «Ընդհանրական Եկեղեցւոյ  վարդապետ»:  

Երեք տարի անց՝ 5 ապրիլ 2018-ին, Հռոմի Քահանայապետ ՝ Ամենայն Հայոց եւ Մեծի Տանն Կիլիկիոյ  կաթողիկոսներուն  հետ, օրհնեց Վատիկանի պարտեզներուն մէջ տեղադրուած Սուրբ Գրիգոր Նարեկացիի արձանը։

Իսկ վերջերս,  2  փետրուարին, Սբ. Աթոռի Պաշտամունքի և խորհուրդներու մատակարարման ժողովը յայտարարեց Ֆրանչիսկոս Պապի հրամանը՝ արձանագրել Սուրբ Գրիգոր Նարեկացին  Լատինական Եկեղեցւոյ  ծիսական օրացոյցին  մեջ, Հայոց Սուրբին յիշատակելով իւրաքանչուր տարուայ 27 փետրուարին։