15.09c
Երեվան
չրք, մյս 22
ԱՄՆ Ուեսթբրուք եւ Մոնթեբելո քաղաքներում տեղի ունեցած քաղաքային խորհրդի ընտրություններում հաղթել են հայ թեկնածուները: Մեյն նահանգի Ուեսթբրուք քաղաքում մրցակիցների հանդեպ ձայների առավելությամբ քաղաքային խորհրդի անդամ է ընտրվել Բաքվից 1992թ-ին տեղահանված եւ ԱՄՆ Հյուսիսային Դակոտայի Վափթոն քաղաքում հաստատված Աննա Աստվածատուրյան-Թուրքոթը: Այժմ ապրում է Մեյն նահանգում: Նա գրականության, փիլիսոփայության եւ կրոնի մասնագետ է, գրքերի հեղինակ: Իր գրքերում Աննա Աստվածատուրյան-Թուրքոթը հաճախ է անդրադարձել իր ծագմանը` նա Սյունիքի Խնձորեսկ գյուղից է: Անցյալ տարի գրողն այցելել է հայրենի գյուղ` վերագտնելով հայրական կողմի հարազատներին: Աննա Աստվածատուրյան-Թուրքոթի «Ոչ մի տեղ, աքսորի պատմություն» գիրքը Խորհրդային Միությունում ծնված եւ ԱՄՆ-ում հայտնված աղջկա մասին ինքնակենսագրական պատում է:
Մյուս հաղթած հայազգի թեկնածուն Ջեք Հաջինյանն է, որ դարձել է Մոնթեբելոյի քաղաքային խորհրդի անդամ:
