«Բողոքի երթերը կը փակեն Երեւան քաղաքը» . Արաբական մամուլի անդրադարձը... Փաշինեան-Սարգսեան «պատմական» հանդիպում «Մարիոթ» պանդոկին մէջ... «Մենք դէմ ենք Սուրիոյ մասնատման». Լաւրով... Աքսորէն ետք. Անուշ Թրուանց...
Ամենայն Հայոց Կաթողիկոսի ձեռամբ օծուած է Տնեպրի Սուրբ Գրիգոր Լուսաւորիչ եկեղեցին
Ամենայն Հայոց Կաթողիկոսի ձեռամբ օծուած է Տնեպրի  Սուրբ Գրիգոր Լուսաւորիչ եկեղեցին
17 Մարտ 2018 , 17:36

Մարտի 17-ին Ուկրաինայի Դնեպր քաղաքում, հանդիսապետությամբ Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսի, կատարվեց Սուրբ Գրիգոր Լուսավորիչ եկեղեցու օծման հանդիսավոր արարողությունը: Եկեղեցին կառուցվել է տեր և տիկին Ռաֆայել և Շամիրամ Հարությունովների ազնիվ բարերարությամբ:

Նորակառույց եկեղեցու առջև Ամենայն Հայոց Հայրապետին մեծ խանդավառությամբ ու ծափողջույններով դիմավորեցին տարբեր համայնքներից այս ուրախալի առիթով Դնեպր ժամանած հարյուրավոր հայորդիներ` գլխավորությամբ հոգևորականների և համայնքային կառույցների ներկայացուցիչների:

Եկեղեցու օծման արարողությանը հայ համայնքի ուրախությանը բաժնեկից էին Դնեպրոպետրովսկի մարզպետ Վալենտին Ռեզնիչենկոն, Դնեպրոպետրովսկի մարզային Ռադայի նախագահ Գլեբ Պրիգունովը, Դնեպրի քաղաքապետ Բորիս Ֆիլատովը, Ուկրաինայում պապական նվիրակ արքեպիսկոպոս Կլաուդիո Գուջերոտտին, Ուկրաինայի Ուղղափառ, Հռոմեակաթոլիկ, Հունակաթոլիկ և Լյութերական եկեղեցիների ներկայացուցիչներ:

Հընթացս օծման սրբազան արարողության, սաղմոսերգության ներքո ջրով և գինով լվացվեցին տաճարի Սուրբ Սեղանը և օծվելիք սյուները: Այնուհետև Հայոց Հայրապետը Սրբալույս Մյուռոնով օծեց եկեղեցու Սուրբ Սեղանը։ Թեմակալ առաջնորդ Տ. Մարկոս եպիսկոպոս Հովհաննիսյանի ձեռամբ օծվեցին  խորանի` չորս ավետարանիչների անունը կրող սյուները: Գերաշնորհ Տ. Նաթան արքեպիսկոպոս Հովհաննիսյանը, Գերաշնորհ Տ. Արշակ եպիսկոպոս Խաչատրյանը և Գերաշնորհ Տ. Տաթև եպիսկոպոս Հակոբյանը կատարեցին եկեղեցու մնացյալ տասը սյուների օծումը:

Օծման արարողության ավարտին Նորին Սրբություն Գարեգին Բ Կաթողիկոսը հայրապետական իր օրհնությունը բերեց Դնեպրի հայությանը` շնորհավորելով նոր աղոթատան բացման բերկրալի առիթով:

«Սիրելի հավատավոր զավակներ Մեր,

Ուրախությամբ են համակված ամենքիս հոգիները Դնեպրի Սուրբ Գրիգոր Լուսավորիչ եկեղեցու օծման առիթով: Փառք Երկնավորին, որ մեր ժողովրդի զավակները շարունակում են եկեղեցաշեն աստվածահաճո ձեռնարկներով բարի նպաստ բերել մեր Սուրբ Եկեղեցու տերունապատվեր առաքելությանը:

Նորակառույց այս աղոթատեղին կրում է Սուրբ Գրիգոր Լուսավորիչ Հայոց մեծ Հայրապետի անունը, ով քրիստոնեության լույսով պայծառացրեց ողջ Հայաստան աշխարհն ու համայն մեր ժողովրդին՝ պարգևելով քրիստոնեական հավատքի արշալույսը: Սուրբ Գրիգոր Լուսավորիչը նաև եկեղեցաշինության ավանդը փոխանցեց Քրիստոսասեր մեր ժողովրդին՝ հորդորելով. «Եկայք շինեսցուք սուրբ զխորանն լուսոյ, քանզի ի սմա ծագեաց մեզ լոյս»:

Այսօր, սիրելիներ, դուք արձագանքեցիք Լուսավորիչ Հայրապետի կոչին և այս հոյակերտ եկեղեցին կառուցեցիք, որպեսզի առավել զորանա համայնքի ազգային-եկեղեցական կյանքը, առ Աստված հույսն ու ապավինությունը: Նվիրական աղոթավայրի շինությամբ դուք վերստին վկայեցիք, որ մեր ժողովրդի զավակները շարունակում են եկեղեցիացած մնալ և աստվածասեր ոգին արտացոլել հավատաշեն հիանալի գործերում: Եկեղեցին, ըստ առաքյալի ուսուցման, հավատացյալ ժողովուրդն է, որի գլուխն է մեր Տերը` Հիսուս Քրիստոս: Մեր հավատքը ամրանում, սնվում ու զորանում է եկեղեցիների սրբազան հարկի ներքո, որոնց լուսեղեն խորաններից ուսուցանվում է Տիրոջ վարդապետությունը, բաշխվում Սուրբ Հոգու շնորհները: Այս հոյակերտ եկեղեցին այլևս պիտի լինի հոգևոր-ազգային կենտրոնը ձեր համայնքի, որի խնկաբույր պատերից ներս հոգեպես զորանալով պիտի հաստատակամ լինեք՝ ապրելու Ավետարանական սուրբ պատգամներով, մեր հայրերի ժառանգության հանդեպ նախանձախնդրությամբ ու հայրենական ավանդներով:

Ուկրաինայում բազում են հիշատակները Մեր ժողովրդի զավակների հավատո գործերի: Այդ են վկայում այս երկրում հայոց դարավոր պատմամշակութային արժեքները, հուշարձաններն ու եկեղեցիները: Արդեն 10-րդ դարից գրավոր տեղեկություններ են պահպանվել այստեղ հայերի բեղուն գործունեության՝ հասարակական կյանքի տարբեր ասպարեզներում: Ուրախալի է, որ այսօր Դնեպրի հայ համայնքը շարունակում է պատմական գաղթօջախի դարավոր ավանդները և կարևոր նպաստ է բերում ազգային-եկեղեցական կյանքի զորացմանը, աստվածահաճո իրագործումներով բարեզարդում իր ընթացքը: Ներկա ժամանակում մեր ժողովրդի զավակները շարունակում են հարստացնել համայնքի և այս երկրի պատմությունը հավատավոր նորանոր ձեռնարկներով: Մեր մաղթանքն է, որ խաղաղությունը անվրդով լինի տարածաշրջանում, և Ուկրաինայի ժողովուրդը համերաշխության մեջ շարունակի ստեղծագործ ու արարող իր ընթացքը: Հայրապետական Մեր հորդորն է ձեզ, սիրելիներ, որ շարունակեք ապրել ու գործել հավատքով, ազգասիրությամբ ու հայրենասիրությամբ և Լուսավորչի բարեխոսության հայցով ձեր աղոթքները հնչեցնելով՝ արժանանաք երկնառաք բյուր բարիքների և օրհնության», - ասաց Վեհափառ Հայրապետը:

Նորին Սրբությունը ողջունեց եկեղեցու օծման արարողությանը Քրիստոնեական Եկեղեցիների սպասավորների ներկայությունը, ինչպես նաև իր գնահատանքը հայտնեց Ուկրաինայի պաշտոնատար անձանց, մարզային և քաղաքային իշխանություններին, որ բարյացակամ վերաբերմունքով զորակցություն ու աջակցություն են ցուցաբերում հայ համայնքի ազգային-եկեղեցական կյանքին:

Հայրապետական իր գնահատանքը բերելով Ուկարինայի հայոց թեմի հոգևոր դասին՝ գլխավորությամբ թեմակալ առաջնորդ Գերաշնորհ Տ. Մարկոս եպիսկոպոս Հովհաննիսյանի` Հայոց Հովվապետը նաև իր օրհնությունը բաշխեց թեմի առաջին առաջնորդ Նաթան արքեպիսկոպոսին, հայ համայնքի ղեկավարներին և ուկրաինահայ իր բոլոր զավակներինՆորին Սրբությունը աղոթքով հիշեց նաև նախորդ թեմակալ առաջնորդ լուսահոգի Տ․ Գրիգորիս արքեպիսկոպոս Բունիաթյանին, ում ջանքերով 2003 թվականին կատարվել էր եկեղեցու հիմնարկեքի արարողությունը։

 

 Գարեգին Բ Վեհափառն աղոթք բարձրացրեց առ Աստված, որ Երկնավոր Տերը խաղաղություն և բարօրություն շնորհի Ուկրաինայի աստվածասեր ժողովրդին: Հայրապետը մաղթեց, որ Ամենակալ Տերը նորակառույց այս եկեղեցին մշտապես անսասան պահի և լեցուն բարեպաշտ ու աղոթասեր զավակներով:

Ի գնահատություն նվիրյալ ծառայության՝ Ամենայն Հայոց Կաթողիկոսը Մարկոս եպիսկոպոսին շնորհեց պանակե։ Նորաօծ եկեղեցուն Հովվապետի կողմից ընծայվեց Մայր Աթոռ Սուրբ Էջմիածնից բերված՝ Տիրոջ Ս․ Խաչելության պատկեր։

Վերջում Նորին Սրբությունն իր առանձնակի գնահատանքը հայտնեց եկեղեցու կառուցման բարերարներ տեր և տիկին Ռաֆայել և Շամիրամ Հարությունովներին և նրանց զավակներին, ինչպես նաև աղոթավայրի կառուցման գործում իրենց ներդրումը բերած երկու տասնյակից ավելի հայորդիներին: Հայրապետական բարձր գնահատանքի արժանացան նաև եկեղեցուն կից «Վարդուհի» ազգային-մշակութային կենտրոնի կառուցման հովանավոր տիար Ալեքսանդր Պետրովսկին և եկեղեցու բարեշինությանը մեծապես աջակցած տիար Էմիլ Հարությունյանը:

Այս կապակցությամբ Հայոց Կաթողիկոսը տեր և տիկին Ռաֆայել և Շամիրամ Հարությունովներին շնորհեց Հայաստանյայց Առաքելական Սուրբ Եկեղեցու «Սուրբ Գրիգոր Լուսավորիչ» պատվո բարձրագույն շքանշանը, տիար Ալեքսանդր Պետրովսկուն՝ «Սուրբ Սահակ-Սուրբ Մեսրոպ», իսկ տիար Էմիլ Հարությունյանին` «Սուրբ Ներսես Շնորհալի» պատվո բարձր շքանշանները:

   Արարողության ավարտին նորաօծ եկեղեցում մատուցվեց անդրանիկ Սուրբ և Անմահ Պատարագ` ձեռամբ Գերաշնորհ Տ. Նաթան արքեպիսկոպոս Հովհաննիսյանի։

Այնուհետև եկեղեցու բակում Ուկրաինայի հայոց թեմի երիտասարդական միության անդամները շուրջպարով ողջունեցին Ամենայն Հայոց Հայրապետին և արարողության մասնակիցներին։ Վերջում Նորին Սրբությունը վերստին իր օրհնությունը բաշխեց երիտասարդներին և ներկա հավատավոր ժողովրդին։

Ամենայն Հայոց Կաթողիկոսը հյուր եկեղեցականների հետ նաև ծանոթացավ «Վարդուհի» ազգային-մշակութային կենտրոնի պայմաններին՝ հաջողություններ մաղթելով նրա օգտաշատ առաքելությանը:

Լրահոս
Ամենաընթերցուած
Օրվա
Շաբաթվա
Ամսվա
One of the world's oldest civilizations, Armenia once included Mount Ararat, which biblical tradition identifies as the mountain that Noah's ark rested on after the flood. It was the first country in the world to officially embrace Christianity as its religion (c. A.D. 300).In the 6th century B.C. , Armenians settled in the kingdom of Urartu (the Assyrian name for Ararat), which was in decline. Under Tigrane the Great (fl. 95–55 B.C. ) the Armenian empire reached its height and became one of the most powerful in Asia, stretching from the Caspian to the Mediterranean seas. Throughout most of its long history, however, Armenia has been invaded by a succession of empires. Under constant threat of domination by foreign forces, Armenians became both cosmopolitan as well as fierce protectors of their culture and tradition. Over the centuries Armenia was conquered by Greeks, Romans, Persians, Byzantines, Mongols, Arabs, Ottoman Turks, and Russians. From the 16th century through World War I, major portions of Armenia were controlled by their most brutal invader, the Ottoman Turks, under whom the Armenians experienced discrimination, religious persecution, heavy taxation, and armed attacks. In response to Armenian nationalist stirrings, the Turks massacred thousands of Armenians in 1894 and 1896. The most horrific massacre took place in April 1915 during World War I, when the Turks ordered the deportation of the Armenian population to the deserts of Syria and Mesopotamia. According to the majority of historians, between 600,000 and 1.5 million Armenians were murdered or died of starvation. The Armenian massacre is considered the first genocide of the 20th century. Turkey denies that a genocide took place and claims that a much smaller number died in a civil war.read more: Armenia: Maps, History, yerevanvideo.com Geography, Government, Culture