Հակառակորդի արձակած կրակից զոհվել են ժամկետային զինծառայողներ, կրտսեր սերժանտ Սմբատ Գևորգի Գաբրելյանը և կրտսեր սերժանտ Գրիշա Վահանի Մաթևոսյանը, այդ մասին հայտնում է ՀՀ պաշտպանության նախարարությունը:
Նշենք, որ այսօր հայ-ադրբեջանական պետական սահմանագոտու հյուսիս-արևելյան հատվածում հակառակորդի արձակած կրակից Հայաստանը եւս երկու զոհ է ունեցել՝ մայոր Գարուշ Վեմիրի Համբարձումյանը և կապիտան Սոս Փայլակի Էլբակյանը:
ՀՀ պաշտպանության նախարարությունը կիսում է կորստյան ծանր վիշտը և
խորին ցավակցություն ու զորակցություն հայտնում զինծառայողների ընտանիքների անդամներին,
հարազատներին և ծառայակիցներին: