Թուրքիա-(«Տէյլի Սապահ»)Ազգութեամբ թուրք գիտնական՝ Ազիզ Սանքար ամերիկացի եւ շուէտացի գիտնականներու հետ 2015 տարուան քիմիագիտութեան նոպէլեան մրցանակին տիրացաւ: Այս մասին կը գրէ թրքական «Տէյլի Սապահ»ը: Թերթը նաեւ կը հաղորդէ, որ գիտնականները մրցանակին համար ստացած են 969.000 ամերիկեան տոլարի պատկառելի գումար մը: Նշենք, որ ամերիկացի գիտնակաը կը կոչուի Փօլ Մոտրիչ իսկ շուէտացին ՝ Թովմաս Լինտհալ: Նշենք, որ թուրք գիտնականը հաստատուած է ամերիկեան «Նորթ Քարոլայնա» նահանգին մէջ: Գիտնականները այս մրցանակին տիրացած են քաղցեղի դէմ պայքարին մէջ իրենց բերած նորութեանց եւ մարդկային բջիջներու վերանորոգման առընթեր իրենց ներկայացուցած գիւտերուն համար: