18.09c
Երեվան
ուրբ, ապր 26
Սէուտական Արաբիոյ «Ճատտա» քաղաքին մէջ պատմական 6 կառոյցներու մէջ հրդեհ բռնկած է:
Այս մասին տեղեկութիւն տուած է համացանցային «Սապաք» կայքը:
Ըստ թերթին՝ 6 կառոյցներէն մէկը հրդեհի մատնուած է ելեկտրականութեան սխալ միացումներու պատճառաւ, ապա՝ հրդեհը տարածուած է եւ հասած է կողքի 5 պատմական կառոյցներուն:
Նշենք, որ կառոյցներուն շուրջը կային նաեւ բնակելի շէնքեր, որոնք ազդուած են բռնուած հրդեհէն:
Քաղաքի անվտանգութեան ծառայութեան հրշէջները յաջողած են մարել հրդեհը են փրկել բոլոր 60 բնակիչները:
Ըստ քաղաքի ԱԻՆ-ի գլխաւոր պատասխանատուի մը՝ 6 պատմական կառոյցներէն 3-ը աւերուած են:
Սէուտական Արաբիոյ իշխանութիւնը խոստացած է վերանորոգել վնասուած բոլոր կառոյցները, եւ ապահովել բնակիչներուն պէտք եղած փոխհատուցումները:
