11.09c
Երեվան
հնգ, ապր 25
Իրան-(«Ալ Հայաթ»-Լոնտոն) Ըստ «Ալ Հայաթ»ին, բարեկարգիչներու համակիր երեք լրագրողներ ձերբակալուած են Իրանի մէջ: Իր կողմէն Իրանեան հեռատեսիլը հաղորդած է, թէ ձերբակալման վերաբերեալ յաւելեալ տեղեկութիւններ պիտի ապահովէ յառաջիկային: «Իյլնա» բարեկարգիչներու համակիր գործակալութիւնը յիշեց թէ, ձերբակալուած լրագրողներէն է Իսա Սահրխէյզ, որ 2010 թուականի Սեպտեմբերին դատապարտուած էր երեք տարուան բանտարկութեան, իշխանութիւններուն դէմ քարոզչութիւն ծաւալելուն համար եւ հանրապետութեան առաջնորդ՝ Այաթոլլա Ալի Խամինիյին վիրաւորելուն համար:Սահրխէյզ, որ մշակոյթի նախարարութեան տեղեկատուական տնօրինումը կը վարէր Մուհամատ Խամինիյիի նախագահութեան շրջանին (1997-2005), վերջին ամիսներուն ընթացքին կանոնաւոր միջամտութիւններ կ'ընէր «Պի Պի Սի»ի եւ «Ամերիկայի Ձայն»ի րատիկայաններու պարսկերէն բաժնին մէջ քննադատելով Իրանցի պատասխանատուները, յատկապէս Խամինիյին: «Իյլնա» յիշեց թէ լրագրող մը եւս ձերբակալուած է, Իհսան Մազնտարանի անունով, առանց իմացուելու ձերբակալման պատճառն ու ժամանակը, ան կը վարէր «Ֆէրհիխտիղան» բարեկարգող թերթը, որ կը պատկանի մասնակի հաստատութեան մը եւ կապուած է «Իսլամական ազատ համալսարան»ին:Մազնտարանին ձերբակալուած է 2009 թուականին, պահպանողական նախագահ Մահմուտ Ահմէտի Նաժատիի վերընտրման առթիւ բողոքի շարժումին, ազգային անվտանգութիւնը խաթարելուն եւ օտարներուն հետ կապեր հաստատելու մեղադրանքով: Պահպանողականներու մօտիկ «Միհր» գործակալութիւնը տեղեկացուց երրորդ լրագրուհի մը՝ Աֆարին Շիտսազի ձերբակալման մասին, որ կ'աշխատէր ի նպաստ պետական «Իրան» թերթին:
