Ամերիկեան անօդաչու սարք մը Սուրիոյ մէջ ոչնչացուցած է 50-ամեայ ահաբեկիչ Սալի Ճոնզը, որ յայտնի է «Սպիտակ այրի» անունով: Այս մասին կը հաղորդէ բրիտանական The Times պարբերականը:
Յայտնի է, որ բրիտանուհին երաժիշտ էր: Ան դաւանելով իսլամութիւնը, սկսած է զբաղուիլ մարդոց հաւաքագրմամբ «Իսլամական պետութիւն» ահաբեկչական խմբաւորման համար:
Ճոնզը սպանած են այս տարուայ յունիսին Իրաքի հետ սահմանէն ոչ հեռու՝ պաշարուած Ռաքքայէն փախուստ կատարելու փորձի ժամանակ: Կը նշուի, որ անոր հետ միասին մահացած է նաեւ իր 12-ամեայ որդին:
Ճոնզի մահուան մասին բրիտանական յատուկ ծառայութիւններուն յայտնած են իրենց ամերիկացի գործընկերները:Մեծն Բրիտանիոյ յատուկ ծառայութիւնները հետեւած են անոր վերջին տարիներու քայլերուն:
Աւելի վաղ Սուրիոյ մէջ մահացած էր նաեւ Ճոնզի ամուսինը, որ նոյնպէս Տահէշ ահաբեկչական խմբաւորման անդամ էր: