Յառաջիկայ 25-26 մարտին, երկօրեայ այցելութեամբ մը Լիբանանի հանրապետութեան նախագահ Զօր. Միշէլ Աուն պիտի այցելէ Մոսկուա:
Աուն Մոսկուայի մէջ պիտի ընդունուի Ռուսաստանի Դաշնութեան նախագահ Վլատիմիր Փութինի կողմէ եւ կողմերը պիտի քննարկեն տարածաշրջանը յուզող հարցեր:
Յիշեցնենք, որ Ռուսաստան հետամուտ է կարեւոր ճիգեր գործադրել՝ լուծելու համար Լիբանան հաստատուած սուրիացի փախստականներու հարցը:
Վերջերս մէկէ աւելի աղբիւրներ այդ մասին խօսելով, նշած են, որ հակառակ ռուսական կողմէ բազմակողմանի ճիգերուն, վերջին շրջանին այդ նախաձեռնութիւնը ձեւով մը սառեցուած է: Իրավիճակի դրդապատճառներու մասին տեղեկութիւններ չեն հաղորդուիր:
Յիշեցնենք, որ այս առաջին այցելութիւնն է, որ Աուն պիտի կատարէ Մոսկուա եւ հանդիպի Վլատիմիր Փութինի հետ: