Արաբական լրատուական աղբիւրներ կը յայտնեն, որ Կոլանի տիւրզի համայնքի յայտնի կրօնաւոր Շայխ Ալի Մուհտի, երէկ, առանց հիմնաւորեալ դրդապատճառներու, առնուած է կալանքի տակ:
Աղբիւրները նաեւ կը նշեն, որ իր հակաիսրայէլեան կեցուածքներով յայտնի տիւրզի կրօնաւորը յաճախ ելոյթներ ունեցած է եւ կոչ ուղղած է Կոլանի տիւրզիներուն՝ չանդամագրուիլ եւ չծառայել իսրայէլեան բանակին մէջ:
Կը նշուի նաեւ, որ տիւրզի կրօնաւորը երկար ժամանակէ ի վեր հանդէս կու գայ Իսրայէլի կառավարութեան դէմ յստակ կեցուածքներով, Իսրայէլի պետութեան մօտեցումը եւ Կոլանը իր տիրապետութեան տակ առնելու փաստը համարելով ուղղակի բռնազաւթում: