Մէկ շաբաթ տեւած որոնումներէն ետք յայտնաբերուած են Թունիսի ափերուն մօտ նաւաբեկութեան ենթարկուած նաւակի բոլոր ուղեւորներու մարմինները, կը հաղորդէ Reuters գործակալութիւնը:
Ծովէն դուրս բերուած է 82 մարդու դի, որոնք գտնուած էին նաւակին վրայ: Նաւաբեկութենէն փրկուած 3 ուղեւորները յայտնած են Թունիսի առափնեայ անվտանգութեան աշխատակիցներուն, որ նաւակին մէջ ընդհանուր առմամբ 86 մարդ եղած է:
Յիշեցնենք, որ ապօրինի ներգաղթեալներով լի նաւը խորտակուած էր 4 յուլիսին: Ձկնորսական նաւերը փրկած էին ուղեւորներէն միայն 4-ը, որոնցմէ մէկը աւելի ուշ հիւանդանոցին մէջ մահացած էր: Միւս 82 ուղեւորները անհետ կորած համարուած էին: Ողջ մնացածները Մալիի քաղաքացիներ են: