image

«Մենք հոս ենք...» Պաղեստինցիներ լայնածաւալ բողոքի ցոյցեր կատարեցին Աշխատանքի նախարարին դէմ

«Մենք  հոս ենք...»  Պաղեստինցիներ լայնածաւալ  բողոքի  ցոյցեր   կատարեցին Աշխատանքի  նախարարին  դէմ

Լիբանանի   պաղեստինցիները  այսօր   առաւօտեան ժամերէն սկսեալ  բողոքի  ցոյցեր կատարած են։

 Այս  մասին լուրը հաղորդեց «Ալ Մայատին» կայանը  նշելով, որ    Լիբանանի  հարաւային    շրջաններուն մէջ  գտնուող      գաղթակայաններուն առջեւ  բողոքի   հաւաքներ  կատարուած են։

 Բողոքի    հաւաքին մասնակիցները    անիւներ  վառելով   փորձած են  դէպի  գաղթակայան մուտքերը  փակել։

 

 Հաւաքներ  եղած են յատկապէս  «Պըրճ Շամալի», «Ալ  Պասս», «Միյէ  ու միյէ»,  «Պըրճ  Շամալի»,  եւ   «Այն  Ալ Հըլուէ»      գաղթականներուն առջեւ։

    «Ալ Մայատին»  կը  յիշեցնէ, որ    պաղեստինցի    գաղթականները   բողոքի  այս   ցոյցերը  կը   կատարեն  այն պահուն, երբ    Լիբանանի  աշխատանքի նախարար Քամիլ  Ապու  Սըլայման     առաջարկով մը հանդէս եկած է, որուն հիմամբ Լիբանան  ապրող  բոլոր  օտարները, որոնց շարքին  նաեւ պաղեստինցիները  պարտաւոր են աշխատանքի  արտօնութիւն ունենալ  եւ   յետոյ միայն  աշխատիլ։

    Կը նշուի նաեւ,  որ   աշխատանքի նախարարին այս նախաձեռնութիւնը կապ  ունի  կառավարութեան    նոր  քաղաքականութեան  հետ, որ կը միտի         վերահսհկողութեան տակ  առնել   Լիբանանի   համար   բեռ  դարձած  օտար  աշխատուժի    խնդիրը։