16.09c
Երեվան
ուրբ, ապր 26
Թուրքիան առանձին ալ կրնայ անվտանգութեան գօտի ստեղծել Սուրիոյ մէջ, եթէ չկարողանայ պայմանաւորուածութիւն ձեռք բերել ԱՄՆ-ի հետ: Այդ մասին ըսած է Թուրքիոյ նախագահ Ռեճէպ Թայէպ Էրտողանը, կը գրէ «Ռիա Նովոսթի»ն:
«Մենք հնարաւորութիւն չունինք աւելի սպասելու եւ ոչ մէկ օր: Եթէ մենք ցանկալի արդիւնքի չհասնինք ԱՄՆ-ի հետ, մեր դիմաց այլ բան չի մնար ընելու: Մենք կը պատրաստուինք սահմանի 30 քմ երկայնքով 2 միլիոն սուրիացի փախստականներ բնակեցնել: Մենք կու գնանք մեր սեփական ճանապարհով, եւ արդէն սկսած ենք կատարել որոշ քայլեր»,-ըսած է Էրտողանը՝ Միլլի մէճլիսի նստաշրջանի բացման:
Աւելի վաղ Թուրքիոյ պաշտպանութեան նախարարութիւնը յայտարարած էր, որ յաջողութեամբ պայմանաւորուածութիւններ ձեռք բերուած են Անգարայի եւ Ուաշինկթընի միջեւ Սուրիոյ հիւսիսային շրջանին մէջ անվտանգութեան գօտի ստեղծելու վերաբերեալ: Պաշտօնական Դամասկոսը այն որակած է որպէս միջազգային իրաւունքի խախտում եւ ոտնձգութիւն Սուրիոյ Արաբական Հանրապետութեան տարածքային ամբողջականութեան եւ ինքնավարութեան նկատմամբ:
