image

Սուրիոյ բանակը կը շաժի դէպի Մընպէճ

Սուրիոյ  բանակը  կը շաժի  դէպի Մընպէճ

 Սուրիոյ  բանակի   շարասիւններ    քիչ առաջ  սկսած են շարժիլ   դէպի Մընպիճ։

Այս մասին   տեղեկութիւնը  հաղորդեց  Sky News  Arabic    կայանը,  որ նաեւ նշեց,  որ  սուրիական  բանակին  կ՚ընկերակցին ռուսական զօրամիաւորումներ։

Ըստ նախնական տուեալներու,  Սուրիոյ բանակը պիտի ստանձնէ  Թուրքիոյ հետ սահմանային գօտիին  ապահովութիւնը եւ  յատկապէս Մընպէճի մէջ  պիտի տարածուի    «Սաճուր»  գիծին վրայ, որ  կը բաժնէ   Ճարապլուս քաղաքը      Մընպիճէն։

Նշենք, որ Սուրիոյ   զարգացումներուն մասին  լուրեր հաղորդող վերլուծական կեդրոններ  վերջին ժամերուն   խօսած    են    Սուրիոյ կառավարութեան եւ   շրջանի  քիւրտերուն   միջեւ    գոյացած համաձայնութեան մը մասին, որուն հիմնական    հովանաւորը Մոսկուան է։

Ըստ նոյն աղբիւրներուն    գոյացած համաձայնութեան,   մանրամասնութիւնները  տակաւին յստակ չեն։