Երէկ գիշեր զինեալ ընդհարում տեղի ունեցած է Լիբանանի Թրիփոլի քաղաքին մէջ։ Այս մասին լուրը հաղորդեց Lebanon 24 կայքը։ Աղբիւրը նաեւ նշած է, որ անհատական վէճի հետեւանքով ընթացք առած կրակոցը պատճառ դարձած է երեք անձերու վիրաւորման, որմէ ետք ալ վիրաւորեալներէն մէկը մահացած է։
Կը նշուի, որ մահացածը Հասուն ընտանիքէն է ու նաեւ անոր հետ գտնուող վիրաւորները։
Ապահովական մարմիններ տարածուած են շրջանին մէջ եւ կը կատարուի հետաքննութիւն։