image
Հրատապ լուրեր:

Թրամբ. Մենք երկիրը պիտի չփակենք «Քորոնա» ժահրի երկրորդ ալիքի մը պարագային

Թրամբ. Մենք երկիրը պիտի չփակենք «Քորոնա» ժահրի երկրորդ ալիքի մը պարագային

ԱՄՆ նախագահ Տանըլտ Թրամբ յայտարարած է, որ Միացեալ Նահանգները պիտի չփակէ երկիրը, «Քորոնա» ժահրի երկրորդ ալիքի մը պարագային: Այս մասին ան խօսած է Միչիկըն գտնուող Ֆորտ ընկերութեան մէջ կատարած շրջայցի ժամանակ, երբ անոր հարցուցած են, թէ արդեօք կ'անհանգստանայ COVID-19- ի երկրորդ ալիքով:

«Մարդիկ կ'ըսեն, որ այդ մէկը շատ հաւանական է, բայց մենք պիտի կարողանանք մարել հրդեհները: Մենք պիտի չփակենք երկիրը», - ըսած է Թրամբ լրագրողներուն:

Թրամբ նաեւ վստահութիւն յայտնած է ապագային վարակի բռնկումը զսպելու երկիր կարողութեան մասին ՝ ըսելով, որ ըլլայ այն այրող ալիք, թէ այլ, «Մենք պիտի աշխատինք զայն մարել, բայց պիտի չփակենք մեր երկիրը»:

ԱՄՆ բոլոր յիսուն նահանգները յայտարարած են, որ սկսած են թեթեւցնել «Քորոնա» ժահրի տարածումը զսպելով պայմանաւորուած սահմանափակումները, եւ աստիճանաբար կը վերսկսին իրենց տնտեսական գործունէութիւնը, որպէսզի ամերիկացիները կարողանան վերադառնալ բնականոն կեանքի: