12.09c
Երեվան
հնգ, ապր 25
Ֆրանսական օդուժի կործանիչներ, որ մաս կը կազմեն «Տահէշ»ի դէմ կազմաւորուած դաշնակից ուժերուն, սպանդ մը կատարած են Հալէպի մօտ եղող Մընպէժ քաղաքի Թուխան Ալ Քուպրա աւանին մէջ: Այս մասին տեղեկութիւնը փոխանցող աղբիւրներ կը հաղորդեն, որ շրջանին մէջ աւելի քան 120 սուրիացիներ զոհուած են ֆրանսական կործանիչներու տուած հարուածներուն հետեւանքով: Կը նշուի նաեւ, որ զոհերուն մեծ մասը կիներ եւ երեխաներ են: Սուրիոյ արտաքին գործոց նախարարութիւնը, իր կարգին նամակ մը յղած է ՄԱԿ-ին՝ դատապարտելով եղածը եւ պահանջելով արագ եւ թափանցիկ քննութիւն բանալ: Կը նշուի նաեւ, որ աւելի վաղ ամերիկեան կործանիչներ եւս նոյն շրջաններուն դէմ կատարուած հրթիռարձակումներուն հետեւանքով տասնեակ անզէն քաղաքացիներու մահուան պատճառ հանդիսացած էին:
