Հայ էստրադային երգի աստղ Ադիս Հարմանդյանի հուղարկավորության մասին «Արեւելքը» տեղեկություններ ստացավ Ադիսի հարազատներից: Լոս Անջելեսից հայտնում են, որ երգչի հուղարկավորությունը նախատեսված է շաբաթ օրը՝ սեպտեմբերի 7-ին, Լոս Անջելեսի ժամանակով 15:00-ին: Ադիսին հուղարկավորելու են Լոս Անջելեսի Hall of Liberty at Forest Lawn շիրմաստանում:
Ադիս Հարմանդյանը կյանքից հեռացել է 74 տարեկանում, սեպտեմբերի 1-ին՝ քաղցկեղի դեմ երկար տարիներ պայքարելուց հետո:
Աշխարհով մեկ ցրված նրա երկրպագուները սգում են սիրելի երգչի մահը: ԱՄՆ տարբեր քաղաքներից սեպտեմբերի 7-ին Լոս Անջելես են ժամանելու Ադիսի երկրպագուներից շատերը՝ վերջին հրաժեշտը տալու սիրված երգչին: