Մեծի Տանն Կիլիկիո կաթողիկոսությունից տեղեկանում ենք, որ Մեծի Տանն Կիլիկիո կաթողիկոս Արամ Ա-ն որոշ գումար է դրել Բերիո թեմում գործող Ջեզիրեի հայոց առաջնորդական փոխանորդ Տ. Լեւոն Աբղ. Եղիայանի եւ Ղամիշլիի թաղականության տրամադրութեան տակ, որպեսզի Թել Աբյադ, Ռաս Ուլ-Էյն, Դերիք եւ Հասիչե գյուղերում գտնվող կամ այդ վայրերից հեռացած եւ նյութական կարիք ունեցող հայ ընտանիքներին աջակցություն տրամադրվի:
Տեղեկացնենք, որ Ղամիշլիի հայ բնակչությունն այս պահին համեմատաբար հեռու է ռմբակոծման շրջաններից, իսկ թուրքական հարձակման ենթարկված գյուղերում հայության առումով այսպիսի պատկեր է. Թել Աբյադում այս պահին կա 15 , Ռաս Ուլ-Էյնում՝ 2, Դերիքում՝ 60 եւ Հասիչեում՝ 70 հայ ընտանիք։
Տեղեկությունները Անթիլիաս է փոխանցել Ջեզիրեի հայոց առաջնորդական փոխանորդը: