Ֆինլանտայի Թուրքու քաղաքին մէջ բանտարկուած ֆութպոլի Հայաստանի ազգային հաւաքականի երկրպագու Երուանդ Իսմաիլեանն առաջիկայ օրերու ընթացքին պիտի վերադառնայ Հայաստան, կը տեղեկացնէ ՖԱՖ-ի Ֆէյսպուքի պաշտօնական էջը:
Թուրքուի մէջ տեղի ունեցած դատական նիստին Երուանդ Իսմաիլեանն արդարացուած է եւ 1-2 օրիուայ ընթացքին պիտի վերադառնայ Հայաստան:
Յիշեցնենք, որ ազգային հաւաքականի երկրպագուն ձերբակալուած էր 15 հոկտեմբերին Ֆինլանտայի Թուրքու քաղաքին մէջ տեղի ունեցած Եւրօ-2020-ի ընտրական փուլի J խումբի 8-րդ շրջանի Ֆինլանտա-Հայաստան հանդիպման ժամանակ: Պատճառը երկու երկիրներու երկրպագուներու միջեւ ծագած վէճը եղած է, որ ցրելու նպատակով Երուանդը ճայտրուկ վառած է եւ պատահաբար վնասած մրցակիցի երկրպագուներէն մէկը: Տուժողը խաղէն ետք ոստիկանութեան բողոք ներկայացուցած է հայ երկրպագուի դէմ: Երուանդ Իսմաիլեանը կը գտնուի Թուրքուի բանտը: