ԱՄՆ–ում ուղղաթիռի կործանման հետևանքով մահացել է օլիմպիական կրկնակի չեմպիոն, Բասկետբոլի Ազգային ասոցիացիայի (NBA) հնգակի չեմպիոն Կոբի Բրայանտը։ Ամերիկյան ԶԼՄ-ները հաղորդելով լուրը, նշում են, որ 41–ամյա Բրայանտի մասնավոր ուղղաթիռը կործանվել է Լոս Անջելեսի մոտակայքում։ Զոհվել է 5 մարդ, այդ թվում` Բրայանտը և իր 13-ամյա դուստրը: Նա չորս երեխաների հայր էր:
Ամերիկացի նախկին բասկետբոլիստը մասնագիտական ողջ կարիերան անցկացրել է Բասկետբոլի ազգային ասոցիացիայի (NBA) «Լոս Անջելես Լեյքերս» ակումբում։ Կարիերայի ընթացքում 5 անգամ նվաճել է NBA-ի գավաթը, 16 անգամ ճանաչվել է աստղ, 15 անգամ ընդգրկվել «All-NBA» 12 անգամ՝ «All-Defensive» խորհրդանշական հավաքականներում։
Բրայանտի և նրա դստեր մահը սգում են բասկետբոլային մարզաշխարհի միլիոնավոր երկրպագուներ: