Նոր տեսակի «Քորոնա» ժահրով պայմանաւորուած հիւանդութենէն մահացածներու թիւն ամբողջ աշխարհի մէջ գերազանցած է 600 000-ը: Այդ մասին կը վկայեն worldometer առցանց թարմացուող կայքի տուեալները։
«Քորոնա» ժահրէն մահացածներու թիւը հասած է 27 417-ի, ապաքինուածներունը՝ 133 426-ի:
Մահացութեան ցուցանիշով առաջին տեղը կը զբաղցնէ Իտալիան, ուր մահուան ելքով դէպքերը հասած են 9134-ի: Անոր կը յաջորդէ Սպանիան՝ 5138 մահուան դէպքով։
Այնուհետեւ Չինաստանն է (3295), ուր վերջին օրերուն վարակման 54 նոր դէպք գրանցուած է։
Միւս ամենատուժած երկիրն Իրանն է, ուր հիւանդութիւնը 2378 մարդու կեանք խլած է:
Վարակակիրներու թիւով առաջատար երկիրներէն են նաեւ ԱՄՆ-ն, Գերմանիան, Ֆրանսան, Զուիցերիան, Հարաւային Քորէան եւ Միացեալ Թագաւորութիւնը:
Համաճարակի օճախ Չինաստանի սահմաններէն դուրս վարակը տարածուած է 170 երկրի մէջ: