Լոս Անճելոսի մէջ CNN-ի թղթակից Քիւնկ Լան ներկայացուցած է տեսանիւթ քաղաքի մէջ ստեղծուած իրավիճակի մասին։
Ան եթեր մտած է խանութի մը դիմացէն, որ կը թալանէին օր ցերեկով, իսկ որոշակի հեռաւորութեան վրայ կանգնած էր ոստիկաններու խումբը։
Լրագրողը, ըստ երեւոյթին, գտնուած է հագուստի խանութի մօտ, որուն մասին կը վկայեն դատարկ կախիչները։ Բոլոր ցուցափեղկերը կտրուած էին, կողոպտիչները՝ բաւականին հանգիստ եւ առանց տեսախցիկէն խուսափելու կը ներխուժէին խանութ։
Քիչ մը հեռու կանգնած էր ոստիկանութեան խումբը, իսկ փողոցի մէջտեղը կ'այրէր հրկիզուած առարկայ մը։
Թղթակիցի խօսքով՝ Լոս Անճելոսը վերածուած է մարտական գործողութիւններու գօտիի։
Համաձայն Associated Press-ի տուեալներուն՝ հինգշաբթի ԱՄՆ 16 քաղաքներու մէջ ձերբակալուած է աւելի քան 1300 մարդ, որոնցմէ 500-ը՝ Լոս Անճելոսի մէջ։
Նախօրէին յայտնի դարձած էր երկու զոհի մասին անկարգութիւններու հետեւանքով։ Անոնցմէ մէկը Անվտանգութեան դաշնային ծառայութեան գործակալ էր։
Յիշեցնենք, որ անկարգութիւնները սկսած են Մինեապոլիսի մէջ ոստիկանի կողմէ Ճորճ Ֆլոյտի սպանութենէն ետք։ Տեսախցիկը նկարած էր պահը, երբ ոստիկանութեան այժմ արդէն նախկին սպայ Տերիք Չովին ծունկով խեղդած էր Ֆլոյտը։ Աւելի ուշ Ֆլոյտ մահացած էր հիւանդանոցին մէջ։