Վրաստանը չի կրնար բանալ սահմանը «Քորոնա» ժահրի տարածման բարձր մակարդակ ունեցող երկիրներու զբօսաշրջիկներու համար, այդ շարքին՝ Հայաստանի, յայտարարած է Վրաստանի Հիւանդութիւններու վերահսկման ազգային կեդրոնի ղեկավար Ամիրան Կամքրելիձէն «Պիրվելի» հեռուստաընկերութեան եթերի ժամանակ, կը փոխանցէ ekhokavkaza.com-ը։
«Առաջին հերթին զբօսաշրջիկներ պիտի ըլլան «կանաչ» երկիրներէ։ Զբօսաշրջութեան կոմիտէն կը զբաղվի այդ հարցով։ Երկկողմ համաձայնագրեր կը ձեւակերպուին նուազագոյն ռիսք ունեցող երկիրներու հետ։ Կը մշակուին նաեւ որոշակի ընթացակարգեր՝ ինչ քննութիւն պէտք է անցնի զբօսաշրջիկը նախքան ժամանելը։ Շատ երկիրներ արդէն ներդրած են այդ կանոնները։ Օրինակ՝ մեր քաղաքացիները, որ կը մեկնին Թուրքիա բուժման նպատակով, պէտք է նախապէս ՊՇՌ քննութիւն անցնեն ոչ շուտ, քան (սահմանը հատելէն) 48 ժամ առաջ»,- ըսած է ան։
Միացիր մեզ Տելեգրամում
Միացիր մեզ Յութուբում
Կիսվել