Տեղեկատվական անվտանգության մասնագետ Սամվել Մարտիրոսյանը բացահայտել է համացանցային խաբեության մի նոր ձև, որն այս անգամ սիրիահայերին է առնչվում: Անհայտ մարդիկ, ներկայանալով իբրև Հայաստանից դուրս ապրող սիրիահայ, թիրախավորում են անշարժ գույք վաճառող մարդկանց, ասում, որ ուզում են Հայաստանում բնակարան ձեռք բերել, տեղափոխվել Հայաստան: Համակարգչային հանցագործները շահում են մարդկանց վստահությունը, նրանց համոզում, որ իրենք միլիոնավոր դոլարներ ունեն, ուզում են Հայաստան բերել և անշարժ գույքի գործակալներին խնդրում են օգնել այդ հարցում, նրանցից բանկային քարտի և այլ տվյալներ են կորզում, ինչն էլ վտանգավոր հետևանքներ է ունենում:
Խաբեության երկրորդ տարբերակում ներկայանում են կիսով չափ սիրիահայ զինվորականներ, որոնք թիրախավորում են հատկապես կանանց՝ նրանց հետ մտերմիկ հարաբերություններ հաստատելու համար և խնդրում օգնել իրենց ծանրոցները դուրս բերել Սիրիայից. դրա համար նրանք կրկին պահանջում են բանկային և այլ անձնական տվյալներ:
Սամվել Մարտիրոսյանը զգուշացնում է՝ խուսափել անծանոթների հետ համացանցով դրամական և այլ հարցերի մեջ ներքաշվելուց, չվստահել անծանոթներին, դրանք համակարգչահեններ են, որոնք ետին նպատակներ են հետապնդում:
Տեղեկատվության անվտանգության մասնագետն այս մասին մանրամասն պատմում է տեսանյութում.