Ամերիկահայ (արմատներով պէյրութցի) հաղորդավար Ստեփան Փարթամեան սրտի անհանգստութիւն մը անցուցած է։
Փարթամեան նշեց, որ սրտի անհանգստութիւնը ստիպած է իրեն վիրաբուժական արագ գործողութեան մը ենթարկուելու եւ ան ներկայիս հիւանդանոցին մէջ կը բոլորէ ապաքինման շրջան մը։
«Գլխաւոր պատճառը սթրեսն է»,- «Արեւելք»ին յայտնեց Փարթամեան նշելով, որ վերջերս Երեւանէն Լոս Անճելոս փոխադրուելէն ետք յայտնուած է դժուար պայմաններու մէջ։
«Հոս բոլորս լուրջ խնդիրներու առջեւ ենք ու մտահոգ եմ նաեւ Հայաստանի իրավիճակով»,- ըսաւ հաղորդավարը, նշելով նաեւ, որ իր կազմակերպած «Առցանց- Ճինիֆէսթ» նախաձեռնութիւնը յետաձգուած է որոշ ժամանակով եւ այն պիտի կայացուի յառաջիկայ 30 օգոստոսին։
Յիշեցնենք, որ իր ելոյթներուն համար բուռն քննադատութիւններու ենթարկուող Փարթամեան կը վարէ համացանցի հարթակի «թալք-շոու» տեսակի հաղորդումներ, որոնց ընթացքին ալ հանդէս կու գայ ոչ աւանդական ու հանրութեան համար յաճախ անընդունելի տեսակէտներով։
Առողջութիւն Ստեփանին։