Մեծի Տանն Կիլիկիոյ Ն.Ս.Օ.Տ.Տ. Արամ Ա. Կաթողիկոս Հայաստանի հանրապետութեան անկախութեան 29-րդ տարեդարձին առթիւ շնորհաւորանք յղած է ՀՀ Վարչապետ Նիկոլ Փաշինեանին եւ ՀՀ նախագահ Արմէն Սարգսեանին։
«Արեւելք» այս մասին տեղեկացաւ Ն.Ս.Օ.Տ.Տ. Արամ Ա. Կաթողիկոսի դիմատետրի էջէն։
Նորին Սրբութիւնը նոյնպէս դիմատետրի իր պաշտօնական էջին մէջ հետեւեալ գրառումը կատարեց.- «Անկախութիւնը Աստուածատուր արժէք է եւ իրաւունք: Անհատի մը կամ ազգի մը անկախութեան իրաւունքը խլել մեղանչում է Աստուծոյ դէմ: Քրիստոս իր արիւնով ազատագրեց մարդը մեղքի ու չարի տիրապետութենէն: Անկախութիւնը որպէս երկնային պարգեւ հարկ է պահել անվթար ու անեղծ: Հայաստանի անկախութեան 29-րդ տարեդարձին նշումը իւրաքանչիւր հայու յիշեցում մըն է ու միաժամանակ հրաւէր հայրենիքի անկախութիւնը աւելի ամրապնդելու եւ գործնապէս մասնակից դառնալու Հայաստանի առաւել հզօրացման աշխատանքներուն»: