image
Հրատապ լուրեր:

Ստեփանակերտի մէջ. Նախագահ Փութինի պատկերով եւ ռուսական դրօշներով վերաբացուեցաւ առաջին դպրոցը

Ստեփանակերտի մէջ. Նախագահ Փութինի պատկերով եւ ռուսական դրօշներով վերաբացուեցաւ  առաջին դպրոցը

Պատերազմէն ետք Լեռնային Ղարաբաղի մայրաքաղաք Ստեփանակերտի մէջ բացուած է առաջին դպրոցը: Այս մասին կը յայտնէ OTR-ը՝ նշելով, որ չճանչցուած հանրապետութեան մէջ ուսումնական հաստատութիւնները չեն աշխատած հակամարտութեան սրման պատճառով: Բացի անկէ՝ մարտերու ընթացքին շատ շէնքեր վնասուած են:

Լրատուամիջոցը կը տեղեկացնէ, որ 10 նոյեմբերին՝ խաղաղութեան համաձայնագրի ստորագրումէն ետք, ռուս խաղաղապահները կ'օգնեն վերականգնել վնասները: Առաջին ուսումնական հաստատութիւնը, որ բացաւ իր դռները երեխաներու համար, քաղաքային թիւ 2 դպրոցն էր: Աշակերտները մէկուկէս ամիս չէին յաճախած դպրոց:

«Այսօր մենք կ'աշխատինք բոլոր ուղղութիւններով, ոչ միայն դպրոցներ բանալու ուղղութեամբ: Այսօր մենք նաեւ կը նպաստենք բոլոր կենսական նշանակութեան հաղորդակցութիւններու վերականգնման՝ թէ՛ կազատար, թէ՛ ելեկտրական ջերմուժ եւ թէ՛ հաղորդակցութիւն»,- ըսած է Լեռնային Ղարաբաղի խաղաղապահ վերահսկողութեան կեդրոնի ղեկավար Սերկէյ Ժմուրինը:

Նշուած է նաեւ, որ ռուս խաղաղապահները կը շարունակեն աշխատիլ ականազերծման ուղղութեամբ: Երեք օրուայ ընթացքին սակրաւորները պայթուցիկներէ մաքրած են աւելի քան երկու հա տեղանք եւ մօտ երեք քիլոմեթր ճանապարհ: Չէզոքացուած է 144 ական եւ չպայթած զինամթերք: