Դադիվանքի վանական համալիրը ադրտրպէյճանցիներուն պիտի չանցնի Ամենայն հայոց կաթողիկոս Գարեգին Բ-ի ջանքերու շնորհիւ: «Իրատեսի» տեղեկութիւններով՝ Գարեգին Բ-ն անձամբ խնդրած է Համայն Ռուսիոյ պատրիարք Քիրիլէն ինչ-որ ձեւով լուծել Դադիվանքի հարցն ու թոյլ չտալ, որ այն Ատրպէյճանին անցնի:
«Կաթողիկոսը պատրիարքին ներկայացուցած է, թէ հոգեւոր ու ազգային ոգեղէնութեան առումով մեզի՝ հայերուս համար ինչ նշանակութիւն ունի Դադիվանքը: Քիրիլ պատրիարքը լսած է խնդրանքը, ընդառաջած ու իր հերթին դիմած ՌԴ նախագահ Վլատիմիր Փութինին: Եւ, փաստօրէն, Ռուսաստանի անմիջական միջնորդութենէն ետք թէ՛ Դադիվանքը, թէ՛ Շուշին անցած են ռուս խաղաղապահներու վերահսկողութեան ներքոյ,- ըսած է «Իրատես»ի զրուցակիցն ու աւելցուցած,- Այժմ կը քննարկուի հարցը, թէ ինչպէս, ինչ եղանակով հայ ուխտաւորները պիտի կարողանան Դադիվանք այցելել: Յոյսով ենք՝ ելքեր կը գտնուին»: