Երէկ ես ալ իմ հերթին պաշտօնական նամակով դիմեցի Հայաստանի մէջ Ռուսաստանի Արտակարգ եւ Լիազօր դեսպան Սերկէյ Քոպիրքինին․ որպէս ՌԴ ներկայացուցիչ, խնդրեցի միջնորդել ատրպէյճանական կողմին, որպէսզի հնարաւորութիւն տրուի Արցախի հերոս Վազգէն Սարգսեանի յուշարձանը ինչ-որ կերպ տեղափոխելու Հայաստան։ Այս մասին գրառում կատարած է ԱԺ «Լուսաւոր Հայաստան»ի խմբակցութեան պատգամաւոր Աննա Կոստանեանը։
«Նամակիս մէջ նշած եմ նաեւ, որ ՌԴ Արտաքին գործոց նախարար Ս․ Լաւրովի, ՌԴ նախագահ Վ․ Փութինի կողմէ յատուկ շեշտադրուած է ԵՈՒՆԵՍՔՕ-ի պաշտօնական առաքելութիւն իրականացնող խումբի այց դէպի Արցախ կազմակերպելու վերաբերեալ նախնական պայմանաւորուածութիւններու մասին։
Լիայոյս եմ նամակս դրական պատասխան կ'ունենայ»։