Ատրպէյճանի պաշտպանութեան նախարարութեան հրապարակած առաջին պաշտօնական տուեալներու համաձայն՝ Լեռնային Ղարաբաղի մէջ զոհուած է 2783 զինծառայող: Այս մասին կը հաղորդուի ռազմական գերատեսչութեան դիմատետրեան էջին մէջ:
Աւելի քան 100 ատրպէյճանցի զինծառայող կը համարուի անյայտ կորսուած, 1 245 մարդ կը շարունակէ բուժումը:
Պաշտպանութեան նախարարութենէն յայտնած են, որ աւելի ուշ գերատեսչութիւնը տեղեկատւութիւն պիտի հրապարակէ զոհուած զինծառայողներու անուններու, ծննդեան ամսաթիւի եւ երթուղիներու վերաբերեալ. այս հարցով ներկայիս կը զբաղուի յատուկ յանձնաժողովը: