Թուրք դիւանագէտներ կը շարունակեն Գերմանիոյ, Զուիցերիոյ եւ Յունաստանի մէջ հետախուզական տուեալներ հաւաքել նախագահ Ռէճէպ Թայէպ Էրտողանի քննադատներուն վերաբերեալ, հակառակ հիւրընկալող երկիրներու բազմաթիւ նախազգուշացումներուն Թուրքիոյ վերահսկողութիւնը դադրեցնելու: Այս մասին կը յայտնէ Nordic Monitor-ը` յղում ընելով գաղտնի փաստաթուղթերուն:
Վերոնշեալ հետախուզական տուեալներու հաւաքագրման եւ վերահսկման գործողութիւնները բացայայտուած են 2020-ին, Թուրքիոյ արտաքին գործոց նախարարութեան եւ Թուրքիոյ անվտանգութեան ընդհանուր վարչութեան (Emniyet) փոխանակած տուեալներու միջոցով: Փաստաթուղթերը կը հաստատեն, որ դիւանագէտներու լրտեսական գործունէութիւնը կը շարունակուի՝ չնայած այն բանին, որ այդ գործողութիւնները խնդիրներ առաջացուցած են այս երկիրներու հետ Թուրքիոյ երկկողմանի յարաբերութիւններուն մէջ:
Կը համարուի, որ օտար երկիրներուն մէջ Թուրքիոյ կառավարութեան թիրախ դարձած մարդիկ կապուած են Կիւլէնի շարժման հետ, խումբ մը, որ սուր քննադատութեան ենթարկած է Էրտողանի կառավարութիւնը՝ համատարած փտածութենէն մինչեւ ճիհատիստական զինուած խմբաւորումներուն օժանդակելու համար: