17.09c
Երեվան
ուրբ, ապր 19
Հռոմի Ֆրանչիսկոս Պապը Սուրիոյ եւ ամբողջ Մերձաւոր Արեւելքին համար խաղաղութեան կոչ ըրած է՝ մատնանշելով կրօնական պատերազմներու անթոյլատրելիութիւնը: Իր ուղերձով Հռոմի պապը, որ այժմ առաքելական այցով կը գտնուի Իրաք, հանդէս եկած է 6 մարտին կայացած միջկրօնական հանդիպման ընթացքին, հաղորդած է ԹԱՍՍ-ը։
«Աշխարհի համար պէտք են ոչ թէ յաղթողներ, այլ եղբայրներ ու քոյրեր, որոնք, չնայած անցեալի թիւրըմբռնումներուն ու վէրքերուն, միասին առաջ շարժին։ Եկէք աղօթք բարձրացնենք ամբողջ Մերձաւոր Արեւելքի, յատկապէս Սուրիոյ խաղաղութեան համար»,- ըսած է Հռոմի պապը։
Ան նշած է, որ «Աստուծոյ ուղղուած ամենամեծ վիրաւորանքը մերձաւորի նկատմամբ ատելութիւնն է»:
«Թշնամանքը, ծայրայեղականութիւնը եւ բռնութիւնը կրօնական հոգիէն չեն բխիր։ Անոնք կրօնի դաւաճանութիւն են։ Եւ մենք՝ հաւատացեալներս, չենք կարող լռել, երբ ահաբեկչութիւնը կը քօղարկուի կրօնով։ Եւ մենք պէտք է լուծենք այդ խնդիրը»,- ըսած է Հռոմի պապը։
Հռոմի կաթոլիկ եկեղեցւոյ ղեկավարը նաեւ կոչ ըրած է յարգել խղճի ու դաւանանքի ազատութիւնը՝ զանոնք անուանելով «հիմնարար իրաւունքներ»:
Յիշեցնենք, որ Հռոմի պապ այժմ առաքելական այցով կը գտնուի Իրաք:
Լուրը՝ tert.am-էն
