30.09c
Երեվան
երք, օգս 26
Օրերս վախճանեալ Տ. Վրթանէս Աւագ Քհնյ. Գալայճեանի վերջին օծման եւ յուղարկաւորութեան արարողութիւնը պիտի կատարուին յառաջիկայ շաբաթ օր: Այս մասին տեղեկացանք վախճանեալ Տէր Հօր հարազատներէն: Նշենք, որ «Տան կարգ»ը պիտի կատարուի ուրբաթ, 12 Օգոստոս, 2016-ին, ժամը 8:00-ին Սրբոց Ղեւոնդեանց Հայ Առաքելական եկեղեցիէն ներս (հասցէ՝ 12-61 Saddle River Road, Fair Lawn, NJ):
Սուրբ Պատարագը, վերջին օծման արարողութիւնն ու յուղարկաւորութիւնը պիտի կատարուին Շաբաթ, 13 Օգոստոս , 2016-ին, Ժամը 10-ին: Թաղման կարգը պիտի կատարուի Ճորճ Ուաշինկթընի ( George Washington) գերեզմանատան մէջ, հասցէ՝ Paramus, NJ: Որմէ ետք պիտի մատուցուի հոգեճաշ՝ Սրբոց Ղեւոնդեանց հայ եկեղեցիէն ներս:
Տ. Վրթանէսի եւ երեցկին Անահիտ Գալայճեանի ցանկութեան համաձայն, փոխան ծաղկեպսակի կարելի է նուիրատուութիւն կատարել ՝ «Տ. Վրթանէս Գալայճեան քրիստոնէական երիտասարդական կրթութիւն հիմնադրամ»ին, Ռէսին- Ուիսքընսընի հայկական Սուրբ Մեսրոպ եկեղեցիին: Կամ Ուաշինկթընի Հայ Առաքելական Սուրբ Մարիամ եկեղեցւոյ մէջ գործող ՝ «Տ. Վրթանէս եւ երեցկին Անահիտ Գալայճեան հիմնադրամ»ին:
